KSRTC ಬಸ್ ನಲ್ಲಿ ಕುಳಿತಲ್ಲೇ ನೆಲ ಕಾಣುತ್ತದೆ..: ಈ ಬಸ್ ನಲ್ಲಿ ಪಯಣಿಸುವ ಮುನ್ನ ಎಚ್ಚರ!

ಶಿವಮೊಗ್ಗ: ಈ ಕೆಎಸ್ಆರ್ ಟಿಸಿ ಬಸ್ ನಲ್ಲಿ ಪಯಣಿಸುವ ಮುನ್ನ ಎಚ್ಚರ! ಯಾಕೆಂದರೆ ಈ ಬಸ್ ನಲ್ಲಿ ಕುಳಿತರೆ ಅಲ್ಲೇ ನೆಲ ಕಾಣುತ್ತದೆ! ಸ್ವಲ್ಪ ಎಚ್ಚರ ತಪ್ಪಿದರೆ ಈ ಕೆಎಸ್ಆರ್ ಟಿಸಿ ಬಸ್ ನಲ್ಲಿ ಅಪಾಯ ಗ್ಯಾರಂಟಿ.

ಶಿವಮೊಗ್ಗ – ಹರಿಹರ ಮಾರ್ಗ ಮಧ್ಯೆ ಸಂಚರಿಸುವ ಸರ್ಕಾರಿ ಬಸ್ ನ ಸೀಟ್ ಕೆಳಗೆ ಗುಂಡಿ ಕಾಣಿಸಿಕೊಂಡಿದೆ. ಈ ಹೋಲ್ ನಲ್ಲಿ ಮಕ್ಕಳೇನಾದರೂ ಬಿದ್ದರೆ ಅಪಾಯ ಕಟ್ಟಿಟ್ಟ ಬುತ್ತಿ ಎಂಬಂತಾಗಿದೆ.

KA-17 F 1675 ಸಂಖ್ಯೆಯ ಬಸ್ ನ ತಳ ಭಾಗದಲ್ಲಿ ಹಲಗೆ ಮುರಿದು ರಸ್ತೆ ಕಾಣುತ್ತಿದೆ. ರಸ್ತೆ ಕಾಣುವ ಹಾಗೆ ಮುರಿದು ಹೋಗಿದ್ದರೂ ನಿಗಮದ ಅಧಿಕಾರಿಗಳು ಎಚ್ಚರ ವಹಿಸದೆ ಅಪಾಯಕ್ಕೆ ಆಹ್ವಾನ ನೀಡಿದ್ದಾರೆ.

ಬಸ್ ನ ಕಂಡಕ್ಟರ್, ಡ್ರೈವರ್ ಕೂಡಾ ಜಾಣ ಕುರುಡುತನ ಪ್ರದರ್ಶಿಸುತ್ತಿದ್ದು, ಬಸ್ ನಲ್ಲಿ ಪ್ರಯಾಣಿಕರು ಮಾತ್ರ ಆತಂಕದಿಂದ ಪ್ರಯಾಣಿಸಬೇಕಾದ ಪರಿಸ್ಥಿತಿ ಎದುರಾಗಿದೆ.