ತ್ಯಾಜ್ಯ ವಿಲೇವಾರಿಗೆ ಶಿವಮೊಗ್ಗ ಮಹಾನಗರ ಪಾಲಿಕೆ ದಿಟ್ಟ ಹೆಜ್ಜೆ

ಶಿವಮೊಗ್ಗ ಮಹಾನಗರ ಪಾಲಿಕೆ ವ್ಯಾಪ್ತಿಯಲ್ಲಿ ಸುಮಾರು 1,05,000 ಮನೆಗಳಿದ್ದು, ಅಂದಾಜು 170 ಟನ್‌ ಘನತ್ಯಾಜ್ಯ ಉತ್ಪತ್ತಿಯಾಗುತ್ತಿದ್ದು ಅದನ್ನು ವೈಜ್ಞಾನಿಕವಾಗಿ ವಿಲೇವಾರಿ ಮಾಡಲು ಮಹಾನಗರ ಪಾಲಿಕೆಯು ದಿಟ್ಟ ಹೆಜ್ಜೆ ಇಟ್ಟಿದ್ದು , ಅನುಪಿನಕಟ್ಟೆ ಗ್ರಾಮದ ವ್ಯಾಪ್ತಿಯಲ್ಲಿ 27 ಎಕರೆ ಪ್ರದೇಶದಲ್ಲಿ ಘನತ್ಯಾಜ್ಯ ವಿಲೇವಾರಿ ಘಟಕವನ್ನು ಮೇ| ರಾಮ್ಕಿ ಎನ್ವಿರೋ ಇಂಜಿನಿಯರ್ಸ್‌ ಲಿ., ಹೈದರಾಬಾದ್‌ ಸಂಸ್ಥೆಯೊಂದಿಗೆ 20 ವರ್ಷ ಅವಧಿಗೆ ಒಡಂಬಡಿಕೆ ಮಾಡಿಕೊಂಡು ಘನ ತ್ಯಾಜ್ಯವನ್ನು ವೈಜ್ಞಾನಿಕವಾಗಿ ವಿಲೇವಾರಿ ಮಾಡಲಾಗುತ್ತಿದೆ.

ಪ್ರತಿದಿನ 35 ವಾರ್ಡ್‌ ನಲ್ಲಿ 86 ಆಟೋಟಿಪ್ಪರ್‌ಗಳು ಸಂಚರಿಸಿ ಎಲ್ಲಾ ಮನೆ-ಮನೆಯಿಂದ ತ್ಯಾಜ್ಯ ಸಂಗ್ರಹಿಸಿ, ಟ್ರಾನ್ಸಫರ್‌ ಸ್ಟೇಷನ್‌ ನಲ್ಲಿ ಗಾಬೇìಜ್‌ ಕಾಂಪ್ಯಾಕ್ಟರ್‌ ವಾಹನಕ್ಕೆ ವರ್ಗಾಯಿಸಿ ಅನುಪಿನಕಟ್ಟೆ ಘನತ್ಯಾಜ್ಯ ವಿಲೇವಾರಿ ಘಟಕಕ್ಕೆ ವೈಜ್ಞಾನಿಕ ವಿಲೇವಾರಿಗಾಗಿ ಕಳುಹಿಸಲಾಗುತ್ತಿದೆ.

ಪಾಲಿಕೆಯು ನವನವೀನ ಆವಿಷ್ಕಾರಗಳನ್ನು ಅಳವಡಿಸಿಕೊಳ್ಳುತ್ತಿದ್ದು ಈ ಕೆಳಗಿನ ಹೊಸ ಪದ್ಧತಿಯನ್ನು ಈಗಾಗಲೇ ಪಾಲಿಕೆ ವ್ಯಾಪ್ತಿಯಲ್ಲಿ ಅನುಷ್ಠಾನಗೊಳಿಸಿದೆ.

ಬಯೋ ಮೆಥನೇಷನ್‌ ಘಟಕ
ಮಹಾನಗರ ಪಾಲಿಕೆ ವ್ಯಾಪ್ತಿಯಲ್ಲಿ ಗಾಡಿಕೊಪ್ಪದಲ್ಲಿರುವ ಇಂದಿರಾ ಕ್ಯಾಂಟೀನ್‌ ಮಾಸ್ಟರ್‌ ಕಿಚನ್‌ ಪ್ರದೇಶದಲ್ಲಿ 2 ಟಿ.ಪಿ.ಡಿ ಸಾಮರ್ಥ್ಯದ ಬಯೋಗ್ಯಾಸ್‌ ಘಟಕ ನಿರ್ಮಿಸಲಾಗಿದೆ.

ಶೂನ್ಯ ತ್ಯಾಜ್ಯ ವಿಲೇವಾರಿ ಘಟಕ
ಮಹಾನಗರ ಪಾಲಿಕೆ ವ್ಯಾಪ್ತಿಯಲ್ಲಿ ರಾಜೀವ್‌ ಗಾಂಧಿ  ಬಡಾವಣೆಯಲ್ಲಿ ಮತ್ತು ಬಿ.ಎಸ್‌.ಎನ್‌.ಎಲ್‌ ಕಛೇರಿ ಹಿಂಭಾಗದ ಪಾಲಿಕೆಯ ವಾಹನ ಪಾಕಿಂìಗ್‌ ಪ್ರದೇಶದಲ್ಲಿ 5 ಟಿ.ಪಿ.ಡಿ ಸಾಮರ್ಥ್ಯದ ಶೂನ್ಯ ತ್ಯಾಜ್ಯ ವಿಲೇವಾರಿ ಘಟಕವನ್ನು ನಿರ್ಮಿಸಲಾಗಿದೆ.

On site composting ಘಟಕ
ಮಹಾನಗರ ಪಾಲಿಕೆ ವ್ಯಾಪ್ತಿಯಲ್ಲಿ ಬಿ.ಎಸ್‌.ಎನ್‌.ಎಲ್‌ ಪಾಕಿಂìಗ್‌ ಏರಿಯಾದಲ್ಲಿ 1 ಟಿ.ಪಿ.ಡಿ ಸಾಮರ್ಥ್ಯದ On site composting ಘಟಕವನ್ನು ಪಾರ್ಕ್‌ ನಲ್ಲಿ ಉತ್ಪತ್ತಿಯಾಗುವ ಎಲೆಗಳನ್ನು (ಹಸಿ ತ್ಯಾಜ್ಯ) ಸಂಸ್ಕರಿಸಲು ನಿರ್ಮಿಸಲಾಗಿದೆ.

ಎಲೆಕ್ಟ್ರಿಕಲ್ ವಾಹನಗಳ ಖರೀದಿ
ಪಾಲಿಕೆ ವ್ಯಾಪ್ತಿಯ ಮನೆ-ಮನೆ ಕಸ ಸಂಗ್ರಹಣೆಗಾಗಿ 500 ಕೆ.ಜಿ ಕಸ ಸಂಗ್ರಹಣೆ ಸಾಮರ್ಥ್ಯದ ಪರಿಸರ ಸ್ನೇಹಿ ಬ್ಯಾಟರಿ ಚಾಲಿತ 6 ಎಲೆಕ್ಟ್ರಿಕಲ್ ವಾಹನ ಖರೀದಿಸಲಾಗಿದೆ.

ಹಸಿ -ಒಣ ಕಸ ವಿಂಗಡಿಸಲು ಡಸ್ಟ್‌ಬಿನ್‌
ಮಹಾನಗರ ಪಾಲಿಕೆ ವ್ಯಾಪ್ತಿಯಲ್ಲಿ ಪ್ರತಿ ಮನೆಗೆ ಹಸಿ ಕಸ ಮತ್ತು ಒಣಕಸವನ್ನು ಮನೆಯಲ್ಲಿಯೇ ವಿಂಗಡಿಸಿ ನೀಡಲು ಹಸಿಕಸಕ್ಕೆ ಹಸಿರು ಬಣ್ಣದ ಬುಟ್ಟಿ ಮತ್ತು ಒಣಕಸಕ್ಕೆ ನೀಲಿ ಬಣ್ಣದ ಬುಟ್ಟಿಯನ್ನು ಒಟ್ಟು 84,300 ಮನೆಗಳಿಗೆ ವಿತರಣೆ ಮಾಡಲಾಗಿದೆ.

ವಾಹನಗಳ ಖರೀದಿ
ಪಾಲಿಕೆ ವ್ಯಾಪ್ತಿಯಲ್ಲಿ ಉತ್ಪತ್ತಿಯಾಗುವ ತ್ಯಾಜ್ಯವನ್ನು ಸಂಗ್ರಹಿಸಲು ಈಗಾಗಲೇ ಒಟ್ಟಾರೆ 86 ಆಟೋ ಟಿಪ್ಪರ್ಸ್‌, 13 ಟಿಪ್ಪರ್‌ ಟ್ರಕ್‌, 5 ಜೆ.ಸಿ.ಬಿ ಯಂತ್ರ ಮತ್ತು 7 ಕಾಂಪ್ಯಾಕ್ಟರ್‌ ವಾಹನಗಳನ್ನು ಖರೀದಿಸಿ ಸಮರ್ಪಕವಾಗಿ ಕಾರ್ಯಚರಣೆ ಮಾಡಲಾಗುತ್ತಿದೆ.

ಪಾರಂಪರಿಕ ತ್ಯಾಜ್ಯ ವಿಲೇವಾರಿ
ಪಾಲಿಕೆ ವ್ಯಾಪ್ತಿಯ ಅನುಪಿನಕಟ್ಟೆಯಲ್ಲಿ ಸುಮಾರು ವರ್ಷಗಳಿಂದ ಶೇಖರಣೆಯಾಗಿದ್ದ 30350 CUM (ಘನ ಮೀಟರ್‌) ತ್ಯಾಜ್ಯವನ್ನು NGT Guideline ನಂತೆ ಬಯೋ ಮೈನಿಂಗ್‌ ಪದ್ಧತಿಯಲ್ಲಿ ವಿಲೇವಾರಿ ಗೊಳಿಸಲಾಗುತ್ತಿದೆ. ಮೇ-2023ರ ಅಂತ್ಯಕ್ಕೆ 29100 CUM ನಷ್ಟು ಪಾರಂಪರಿಕ ತ್ಯಾಜ್ಯವನ್ನು ಬಯೋರೆಮಿಡಿಯೇಷನ್‌ ಪದ್ಧತಿಯಲ್ಲಿ ವೈಜ್ಞಾನಿಕವಾಗಿ ಸಂಸ್ಕರಣೆ ಮಾಡಿ ವಿಲೇವಾರಿ ಮಾಡಲಾಗಿರುತ್ತದೆ.

– ಇ-ತ್ಯಾಜ್ಯ ಸಂಗ್ರಹಣಾ ಘಟಕ: ಮಹಾನಗರ ಪಾಲಿಕೆ ವ್ಯಾಪ್ತಿಯಲ್ಲಿ ಬಿ.ಎಸ್‌.ಎನ್‌.ಎಲ್‌ ಕಛೇರಿ ಹಿಂಭಾ ಗದ ಪಾಲಿಕೆಯ ವಾಹನ ಪಾಕಿಂìಗ್‌ ಪ್ರದೇಶದಲ್ಲಿ ಇ-ತ್ಯಾಜ್ಯ ಸಂಗ್ರಹಣಾ ಘಟಕ ನಿರ್ಮಿಸಲಾಗಿದೆ.

– ಸ್ವತ್ಛಗೃಹ ಕಲಿಕಾ ಕೇಂದ್ರ ಮಾದರಿಯನ್ನು ಬಿ.ಎಸ್‌.ಎನ್‌.ಎಲ್‌ ಪಾಕಿಂìಗ್‌ ಏರಿಯಾದಲ್ಲಿ ಅಳವಡಿಸಿಕೊಳ್ಳಲಾಗಿದೆ.

– ರಾಗಿಗುಡ್ಡದ ಬಳಿ ಆಧುನಿಕ ತಂತ್ರಜ್ಞಾನದ ದ್ವೀತಿಯ ಹಂತದ ಕಸ ಸಂಗ್ರಹಣೆ ಮತ್ತು ಸಾಗಾಣಿಕೆಗೆ ಅವಶ್ಯಕವಿರುವ Transfer Station ನಿರ್ಮಾಣ ಮಾಡಲು ಜಮೀನನ್ನು ಗುರುತಿಸಿ ಹಸ್ತಾಂತರಿಸಿಕೊಳ್ಳಲು ಕ್ರಮವಹಿಸಲಾಗುತ್ತಿದೆ.

- ಪಾಲಿಕೆಯ ಗಾಂ ಧಿ ಪಾರ್ಕ್‌ ನಲ್ಲಿ ಮಾದರಿ Onsite Composting ಪದ್ಧತಿಯಡಿ ಹಸಿಕಸದಿಂದ ಗೊಬ್ಬರವನ್ನು ತಯಾರಿಸಲು Organic Waste Convertor ಯಂತ್ರವನ್ನು ಅಳವಡಿಸುವ ಕಾರ್ಯ ಪ್ರಗತಿಯಲ್ಲಿದೆ.

– ಪಾಲಿಕೆಯ ವ್ಯಾಪ್ತಿಯಲ್ಲಿ ಮಾನ್ಯುಯಲ್‌ ಸ್ಕಾವೆಜಿಂಗ್‌ ಪದ್ಧತಿಯನ್ನು ಸಂಪೂರ್ಣವಾಗಿ ನಿರ್ಮೂಲನೆ ಮಾಡಲಾಗಿದ್ದು ಒಳಚರಂಡಿ ಸಂಬಂ ಧಿತ ಕಾರ್ಯಗಳಿಗಾಗಿ ವಿವಿಧ ಯಂತ್ರಗಳನ್ನು ಬಳಕೆ ಮಾಡಲಾಗುತ್ತಿರುತ್ತದೆ.

– ಪಾಲಿಕೆಯಲ್ಲಿ ಕಾರ್ಯನಿರ್ವಹಿಸುತ್ತಿರುವ ಎಲ್ಲಾ ಪೌರಕಾರ್ಮಿಕರಿಗೂ ಬೆಳಿಗ್ಗಿನ ಉಪಹಾರ, ಜೀವವಿಮೆ ಮತ್ತು ಅಪಘಾತ ವಿಮೆಗಳನ್ನು ಮಾಡಿಸಲು ಕ್ರಮವಹಿಸಲಾಗಿದೆ. ಇನ್ನೂ ಹಲವಾರು ಕಾಮಗಾರಿಗಳನ್ನು ಹಾಗೂ ವಿನೂತನ ಪದ್ಧತಿಗಳನ್ನು ಪಾಲಿಕೆಯು ಮುಂದಿನ ದಿನಗಳಲ್ಲಿ ಅಳವಡಿಸಿಕೊಳ್ಳಲು ಕ್ರಮವಹಿಸುತ್ತಿದೆ.