ಶಿವಮೊಗ್ಗ: ಬಸ್ ಟಯರ್ ಸ್ಪೋಟ-ಅಪಘಾತ: 20 ಜನರಿಗೆ ಗಾಯ, ಚಾಲಕ ಗಂಭೀರ

ಶಿವಮೊಗ್ಗ:  ಸರ್ಕಾರಿ ಬಸ್ ನ ಟೈರ್ ಸಿಡಿದು ಡಿವೈಡರ್ ಗೆ ತಾಗಿ ತದನಂತರ ಮರಕ್ಕೆ ಗುದ್ದಿದ ಪರಿಣಾಮವಾಗಿ 20 ಜನರಿಗೆ ಗಂಭೀರ ಗಾಯವಾದ ಘಟನೆ ನಗರದ ಹರಿಗೆಯ ಶುಗರ್ ಫ್ಯಾಕ್ಟರಿ ಬಳಿ ನಡೆದಿದೆ.

ಅಪಘಾತದಲ್ಲಿ ಚಾಲಕನ ಸ್ಥಿತಿ ಗಂಭೀರವಾಗಿದ್ದು. ಗಾಯಾಳುಗಳನ್ನು ಸರ್ಕಾರಿ ಮೆಗ್ಗಾನ್ ಆಸ್ಪತ್ರೆಗೆ ದಾಖಲು ಮಾಡಲಾಗಿದೆ.

ಶಿವಮೊಗ್ಗ-ಭದ್ರಾವತಿ ಮಧ್ಯೆ ಸಂಚರಿಸುವ ಜೆನರ್ಮ್ ಸರ್ಕಾರಿ ಬಸ್ ಇದಾಗಿದ್ದು ಭದ್ರಾವತಿಯಿಂದ ಶಿವಮೊಗ್ಗಕ್ಕೆ ಇಂದು ಸಂಚಾರ ಮಾಡುತ್ತಿತ್ತು. ಈ ವೇಳೆ ಟೈರ್ ಸ್ಪೋಟಗೊಂಡು ಅಪಘಾತವಾಗಿದೆ.

ಶಿವಮೊಗ್ಗ ಗ್ರಾಮಾಂತರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.