ಮುಂಬೈ : ನೀಲಿ ಸಿನಿಮಾ ನಿರ್ಮಾಣ ಪ್ರಕರಣಕ್ಕೆ ಸಂಬಂಧಿಸಿದಂತೆ ಬಂಧಿತರಾಗಿರುವ ಬಾಲಿವುಡ್ ನಟಿ ಶಿಲ್ಪಾ ಶೆಟ್ಟಿ ಪತಿ ರಾಜ್ ಕುಂದ್ರಾ ವಿರುದ್ದ ನಟಿ ಶೆರ್ಲಿನ್ ಚೋಪ್ರಾ ಮತ್ತೊಂದಿಷ್ಟು ಗಂಭೀರ ಆರೋಪಗಳನ್ನು ಮಾಡಿದ್ದಾರೆ.
ಇದೇ ಪ್ರಕರಣ ಸಂಬಂಧ ಮುಂಬೈನ ಕ್ರೈಂ ಬ್ರ್ಯಾಂಚ್ ಅಧಿಕಾರಿಗಳ ಎದುರು ಹಾಜರಾಗಿ ತಮ್ಮ ಹೇಳಿಕೆಯನ್ನು ದಾಖಲಿಸಿದ ಶೆರ್ಲಿನ್, ಈ ಬಗ್ಗೆ ಇಂಗ್ಲಿಷ್ ಮಾಧ್ಯಮವೊಂದಕ್ಕೆ ಮಾತನಾಡಿದ್ದು, ರಾಜ್ ಕುಂದ್ರಾ ನನ್ನ ದಾರಿ ತಪ್ಪಿಸಿ ಈ ದಂಧೆಯಲ್ಲಿ ನೂಕಿದರು ಎಂದು ಆರೋಪಿಸಿದ್ದಾರೆ.
ಅರೆ ನಗ್ನ ಚಿತ್ರಗಳು ಹಾಗೂ ನೀಲಿಚಿತ್ರಗಳ ಶೂಟಿಂಗ್ ಸಾಮಾನ್ಯವಾದ ವಿಚಾರವೆಂದು ತನ್ನನ್ನು ನಂಬಿಸಿ ತಪ್ಪು ದಾರಿಗೆ ಎಳೆಯಲಾಗಿತ್ತು. ಪೋರ್ನ್ ಅಪ್ಲಿಕೇಶನ್‌ಗಳಿಗೆ ತಾವು ಎಂದಿಗೂ ಹಾಟ್ ಸೀನ್‌ಗಳಲ್ಲಿ ನಟಿಸಿಲ್ಲ ಎಂದು ಚೋಪ್ರಾ ತಿಳಿಸಿದ್ದಾರೆ.
“ನಾನು ಎಂದಿಗೂ ಕ್ಯಾಮೆರಾ ಮುಂದೆ ಲೈಂಗಿಕ ಕ್ರಿಯೆಯಲ್ಲಿ ಭಾಗಿಯಾಗಿಲ್ಲ. ಆದರೆ ಕಂಟೆಂಟ್‌ನ ಸಾಮಾಗ್ರಿ ದಿನೇ ದಿನೇ ಬೋಲ್ಡ್ ಆಗುತ್ತಲೇ ಸಾಗಿತ್ತು. ನನ್ನ ವಿಡಿಯೋಗಳನ್ನು ಶಿಲ್ಪಾ ಶೆಟ್ಟಿ ಹಾಗೂ ತಂಡ ಮೆಚ್ಚಿಕೊಂಡಿದೆ ಎಂದು ನನಗೆ ಹೇಳಲಾಗಿತ್ತು., ಶಿಲ್ಪಾ ಶೆಟ್ಟಿಯಂಥವರಿಂದ ನನ್ನ ಕೆಲಸದ ಬಗ್ಗೆ ಮೆಚ್ಚುಗೆ ವ್ಯಕ್ತವಾದಾಗ ನಿಮ್ಮ ಕೆಲಸ ಎಂಥದ್ದು ಎಂದು ಪ್ರಶ್ನೆ ಮಾಡಲು ಬರುವುದಿಲ್ಲ ಎಂದು ನಮ್ಮನ್ನು ಪ್ರಚೋದಿಸಿದ್ದರು.
ತಮ್ಮನ್ನು ದಾರಿ ತಪ್ಪಿಸಿ, ಮಾದಕ ದ್ರವ್ಯ ಕೊಟ್ಟು, ಮತ್ತು ಬರಿಸಿ ರೋಲಿಂಗ್ ಕ್ಯಾಮೆರಾದ ಮುಂದೆ ಲೈಂಗಿಕ ಕ್ರಿಯೆಯಲ್ಲಿ ಭಾಗಿಯಾಗುವಂತೆ ಮಾಡಲಾಯಿತು ಎನ್ನುವ ಮಂದಿಯ ಆಪಾದನೆಯನ್ನು ಅಲ್ಲಗಳೆಯುವಂತಿಲ್ಲ. ಮಾಡೆಲ್‌ಗಳಾಗುವ ಕನಸು ಕಾಣುತ್ತಿರುವ ಈ ಮಂದಿಗೆ ಬಾಲಿವುಡ್‌ನಲ್ಲಿ ಹೆಸರು ಮಾಡುವ ಆಸೆ ಹುಟ್ಟಿಸಿ ಹಾದಿ ತಪ್ಪಿಸಲಾಗುತ್ತಿದೆ,” ಎಂದು ಶೆರ್ಲಿನ್ ಹೇಳಿದ್ದಾರೆ.
