ವಿಪಕ್ಷ ರಾಲಿಯಲ್ಲಿ ಬಿಜೆಪಿ ಸಂಸದ ಶತ್ರುಘ್ನ ಸಿನ್ಹಾ; ರೂಡಿ ಖಂಡನೆ

ಕೋಲ್ಕತ : ಕೋಲ್ಕತದಲ್ಲಿ ನಡೆದಿರುವ ವಿರೋದ ಪಕ್ಷಗಳ ಯುನೈಟೆಡ್‌ ಇಂಡಿಯಾ ರಾಲಿಯಲ್ಲಿ ಭಾಗವಹಿಸಿರುವ ತನ್ನ ಸಹೋದ್ಯೋಗಿ, ಬಿಜೆಪಿ ಸಂಸದ ಶತುಘ್ನ ಸಿನ್ಹಾ ಅವರನ್ನು ಮಾಜಿ ಕೇಂದ್ರ ಸಚಿವ ಮತ್ತು ಬಿಜೆಪಿ ಸಂಸದ ರಾಜೀವ್‌ ಪ್ರತಾಪ್‌ ರೂಡಿ ಅವರು ತೀವ್ರವಾಗಿ ಖಂಡಿಸಿ, ತರಾಟೆಗೆ ತೆಗೆದುಕೊಂಡಿದ್ದಾರೆ. 

ಬಿಜೆಪಿ ಸಂಸದನಾಗಿರುವುದರಿಂದ ಸಿಗುವ ಲಾಭಗಳನ್ನು ಕಳೆದುಕೊಳ್ಳಲು ಸಿದ್ಧರಿಲ್ಲದ ಶತ್ರುಘ್ನ ಸಿನ್ಹಾ ಪಕ್ಷವನ್ನು ತೊರೆಯದೆ, ಪಕ್ಷ ವಿರೋಧಿ ಚಟುವಟಿಕೆಗಳಲ್ಲಿ ನಿರ್ಲಜ್ಜರಾಗಿ ತೊಡಗಿಕೊಂಡಿರುವುದು ದುರದೃಷ್ಟಕರ ಎಂದು ರೂಡಿ ಟೀಕಿಸಿದ್ದಾರೆ. 

ಕೋಲ್ಕತದಲ್ಲಿ ನಡೆದಿರುವ ಯುನೈಟೆಡ್‌ ಇಂಡಿಯಾ ರಾಲಿಯಲ್ಲಿ 20ಕ್ಕೂ ಹೆಚ್ಚು ರಾಷ್ಟ್ರೀಯ ನಾಯಕರು ಸೇರಿದ್ದಾರೆ. ಪಶ್ಚಿಮ ಬಂಗಾಲದ ಸಿಎಂ ಮತ್ತು ಟಿಎಂಸಿ ಮುಖ್ಯಸ್ಥೆಯಾಗಿರುವ ಮಮತಾ ಬ್ಯಾನರ್ಜಿ ಅವರು ಪ್ರಧಾನಿ ನರೇಂದ್ರ ಮೋದಿ ಸರಕಾರದ ವಿರುದ್ದ ಈ ಬೃಹತ್‌ ರಾಲಿಯನ್ನು ಸಂಘಟಿಸಿದ್ದಾರೆ.