‘ಅವತಾರ್‌ ಪುರುಷ’ನ ಆಟ ಡಿ.10ರಿಂದ ಶುರು

ಶರಣ್‌ ನಟನೆಯ ಸಿನಿಮಾವೊಂದು ಬಿಡುಗಡೆಯ ಹಂತಕ್ಕೆ ಬಂದಿದೆ. ಅದು “ಅವತಾರ್‌ ಪುರುಷ’. ಸಿಂಪಲ್‌ ಸುನಿ ನಿರ್ದೇಶನದ ಈ ಚಿತ್ರ ಡಿಸೆಂಬರ್‌ 10ಕ್ಕೆ ಬಿಡುಗಡೆಯಾಗಲಿದೆ. ಈ ಮೂಲಕ ತುಂಬಾ ದಿನಗಳ ನಂತರ ಸುನಿ ಹಾಗೂ ಶರಣ್‌ ಇಬ್ಬರ ಚಿತ್ರಗಳು ಬಿಡುಗಡೆಯಾ ದಂತಾಗುತ್ತದೆ.

“ಅವತಾರ್‌ ಪುರುಷ’ ಚಿತ್ರ ಎರಡು ಭಾಗಗಳಲ್ಲಿ ತಯಾರಾಗಿದ್ದು, ಈಗ ಮೊದಲ ಭಾಗ ಡಿ.10ಕ್ಕೆ ಬಿಡುಗಡೆ ಕಾಣುತ್ತಿದೆ. ಪುಷ್ಕರ್‌ ಈ ಚಿತ್ರದ ನಿರ್ಮಾಪಕರು. “ಅವತಾರ್‌ ಪುರುಷ’ ಔಟ್‌ ಅಂಡ್‌ ಔಟ್‌ ಕಾಮಿಡಿ ಸಿನಿಮಾವಾಗಿದ್ದು, ಶರಣ್‌ ಹಾಗೂ ಸುನಿ ಇಬ್ಬರು ಪ್ರೇಕ್ಷಕರಿಗೆ ಮಸ್ತ್ ಮನರಂಜನೆ ನೀಡಲು ಸಿದ್ಧರಾಗಿದ್ದಾರೆ.

ಇದನ್ನೂ ಓದಿ:‘ಗರುಡ ಗಮನ ವೃಷಭ ವಾಹನ’ ನ.19ಕ್ಕೆ ಬಿಡುಗಡೆ; ಹೆಚ್ಚಾಗುತ್ತಿದೆ ನಿರೀಕ್ಷೆ

ಇನ್ನು, ಈ ಚಿತ್ರದಲ್ಲಿ ಆಶಿಕಾ ರಂಗನಾಥ್‌ ನಾಯಕಿಯಾಗಿ ನಟಿಸಿದ್ದಾರೆ. ಜೊತೆಗೆ ಸಾಯಿಕುಮಾರ್‌, ಶ್ರೀನಗರ ಕಿಟ್ಟಿ ಸೇರಿದಂತೆ ಅನೇಕರು ಚಿತ್ರದಲ್ಲಿ ನಟಿಸಿದ್ದು, ಈಗಾಗಲೇ ಬಿಡುಗಡೆಯಾಗಿರುವ ಚಿತ್ರದ ಟೀಸರ್‌, ಫ‌ಸ್ಟ್‌ಲುಕ್‌ಗೆ ಮೆಚ್ಚುಗೆ ವ್ಯಕ್ತವಾಗುತ್ತಿದೆ.