ಟೀಂ ಇಂಡಿಯಾ ಬೌಲಿಂಗ್ ಕೋಚ್ ಆಗುವ ಅಭಿಲಾಷೆ ವ್ಯಕ್ತಪಡಿಸಿದ ಅಖ್ತರ್

ಹೊಸದಿಲ್ಲಿ: ಪಾಕಿಸ್ಥಾನದ ಮಾಜಿ ವೇಗದ ಬೌಲರ್, ರಾವಲ್ಪಂಡಿ ಎಕ್ಸ್ ಪ್ರೆಸ್ ಶೊಯೇಬ್ ಅಖ್ತರ್ ಅವರು ಟೀಂ ಇಂಡಿಯಾದ ಬೌಲಿಂಗ್ ಕೋಚ್ ಆಗುವ ಅಭಿಲಾಷೆ ವ್ಯಕ್ತಪಡಿಸಿದ್ದಾರೆ.

ಸಾಮಾಜಿಕ ಜಾಲತಾಣಗಳಲ್ಲಿ ಸದಾ ಬ್ಯುಸಿ ಇರುವ ಅಖ್ತರ್, ಹೆಲೋ ಆ್ಯಪ್ ನ ಸಂದರ್ಶನದಲ್ಲಿ ಈ ವಿಷಯ ಬಿಚ್ಚಿಟ್ಟಿದ್ದಾರೆ. ನನ್ನಲ್ಲಿರುವ ಅನುಭವವನ್ನು ಕಿರಿಯರಿಗೆ ತಿಳಿಸಬೇಕು. ಮತ್ತು ಇನ್ನೂ ಹೆಚ್ಚಿನ ಪ್ರಮಾಣದ ವೇಗದ ಬೌಲರ್ ಗಳನ್ನು ತಯಾರಿಸಬೇಕು ಎಂದು ಅಖ್ತರ್ ಹೇಳಿಕೊಂಡಿದ್ದಾರೆ.

ಟೀಂ ಇಂಡಿಯಾದ ಬೌಲಿಂಗ್ ಕೋಚ್ ಆಗುವ ಅವಕಾಶ ಸಿಕ್ಕರೆ ಒಪ್ಪಿಕೊಳ್ಳುತ್ತೀರ ಎಂದು ಕೇಳಲಾದ ಪ್ರಶ್ನೆಗೆ , ಖಂಟಿತ ಎಂದು ಅಖ್ತರ್ ಉತ್ತರಿಸಿದ್ದಾರೆ. ನನಗೆ ತಿಳಿದಿರುವ ಜ್ಞಾನವನ್ನು ಇನ್ನೊಬ್ಬರಿಗೆ ಹಂಚಲು ಉತ್ಸುಕನಾಗಿದ್ದೇನೆ. ಈಗ ಇರುವ ವೇಗಿಗಳಿಗಿಂತ ಹೆಚ್ಚಿನ ಅಗ್ರೆಸಿವ್ ವೇಗಿಗಳನ್ನು ತಯಾರಿಸುತ್ತೇನೆ ಎಂದಿದ್ದಾರೆ.

ಒಂದು ವೇಳೆ ಕೋಲ್ಕತ್ತಾ ನೈಟ್ ರೈಡರ್ಸ್ ತಂಡದ ಕೋಚಿಂಗ್ ಅವಕಾಶ ಸಿಕ್ಕರೆ ಮಡುತ್ತೇನೆ ಎಂದಿದ್ಧಾರೆ. ಐಪಿಎಲ್ ನ ಮೊದಲ ಆವೃತ್ತಿಯಲ್ಲಿ ಅಖ್ತರ್ ಕೋಲ್ಕತ್ತಾ ನೈಟ್ ರೈಡರ್ಸ್ ಪರವಾಗಿ ಆಡಿದ್ದರು. ಮೂರು ಪಂದ್ಯಗಳನ್ನಾಡಿದ್ದ ಅಖ್ತರ್ ಐದು ವಿಕೆಟ್ ಕಬಳಿಸಿದ್ದರು.