ಶಕ್ತಿ ಯೋಜನೆ: ನಾರಿ ಶಕ್ತಿಗೆ ಮುರಿದ ಬಸ್‌ ಬಾಗಿಲು!

ಯಳಂದೂರು: ರಾಜ್ಯದಲ್ಲಿ ಶಕ್ತಿ ಯೋಜನೆ ಜಾರಿಯಾದ ಮೇಲೆ ವಿವಿಧ ಕಡೆ ಬಸ್‌ ಹತ್ತುವ ಧಾವಂತದಲ್ಲಿ ಬಾಗಿಲು ಮುರಿಯುತ್ತಿದ್ದು, ಪಟ್ಟಣದ ಬಸ್‌ ನಿಲ್ದಾಣದಲ್ಲೂ ಶನಿವಾರ ಇಂತಹದೊಂದು ಘಟನೆ ನಡೆದಿದೆ.

ಬಿಳಿಗಿರಿರಂಗನ ಬೆಟ್ಟದಲ್ಲಿ ಶನಿವಾರ ಏಕಾದಶಿ, ದೇವರ ವಾರವಾಗಿರುವು ದರಿಂದ ವಿಶೇಷ ಪೂಜಾ ಕೈಂಕರ್ಯ ನಡೆಸಲಾಗುತ್ತಿದೆ. ಈ ಹಿನ್ನೆಲೆಯಲ್ಲಿ ಮೈಸೂರು, ಬೆಂಗಳೂರು, ಮಂಡ್ಯ ಸೇರಿ ವಿವಿಧ ಜಿಲ್ಲೆಗಳಿಂದ ಸಾವಿರಾರು ಜನರು ಪಟ್ಟಣ ಬಸ್‌ ನಿಲ್ದಾಣಕ್ಕೆ ಆಗಮಿಸುತ್ತಾರೆ. ಆದರೆ, ಬೆಟ್ಟಕ್ಕೆ ಹೋಗಲು ಸಾಕಷ್ಟು ಕೆಎಸ್‌ ಆರ್‌ಟಿಸಿ ಬಸ್‌ಗಳ ಸೌಲಭ್ಯ ಇಲ್ಲ. ಹೀಗಾಗಿ ಬಸ್‌ಗೆ ಏರಲು ನೂಕುನುಗ್ಗಲು ಉಂಟಾಗುತ್ತಿದೆ. ಮಹಿಳೆಯರೇ ಹೆಚ್ಚಾ ಗಿದ್ದರಿಂದ ಬಸ್‌ ಹತ್ತುವ ಧಾವಂತದಲ್ಲಿ ಬಾಗಿಲನ್ನು ಹಿಡಿದು ಹತ್ತಿದ್ದರಿಂದ ಮುರಿದು ಬಂದಿದೆ.

ಪ್ರತಿ ಶನಿವಾರ, ಭಾನುವಾರ ಹಾಗೂ ಸರ್ಕಾರಿ ರಜಾ ದಿನಗಳಲ್ಲಿ ಬೆಟ್ಟಕ್ಕೆ ಭಕ್ತರು, ಪ್ರವಾಸಿಗರ ದಂಡೇ ಆಗಮಿಸುತ್ತದೆ. ಆದರೆ, ಇಲ್ಲಿಗೆ ಹೆಚ್ಚುವರಿ ಬಸ್‌ಗಳನ್ನು ಕೆಎಸ್‌ಆರ್‌ಟಿಸಿ ಒದಗಿಸಬೇಕು ಎಂಬ ಬೇಡಿಕೆ ಇದ್ದರೂ, ನಿಗಮದ ಅಧಿಕಾರಿಗಳು ಈ ಬಗ್ಗೆ ತಲೆಕಡಿಸಿಕೊಂಡಿಲ್ಲ ಎಂದು ಭಕ್ತರಾದ ಮನು, ಮಲ್ಲು ಆರೋಪವಾಗಿದೆ.