ಹೊಸ ಪಕ್ಷ ಹುಟ್ಟು ಹಾಕಿದ ಐಎಎಸ್‌ ಟಾಪರ್‌; ಕಾಶ್ಮೀರ ಬದಲಾಗುತ್ತಾ?

ಶ್ರೀನಗರ : ಮಾಜಿ ಐಎಎಸ್‌ ಅಧಿಕಾರಿ ಶಾ ಫೈಸಲ್‌ ಅವರು  ಮಾರ್ಜ್‌ 16 ರಂದು ಹೊಸ ರಾಜಕೀಯ ಪಕ್ಷವೊಂದನ್ನು ಹುಟ್ಟು ಹಾಕಲಿದ್ದಾರೆ. 

ಭಾನುವಾರ ರಾಜ್‌ಬಾಘನ ಗಿಂಡುನ್‌ ಮೈದಾನದಲ್ಲಿ ನಡೆಯಲಿರುವ ಕಾರ್ಯಕ್ರಮದಲ್ಲಿ ಜಮ್ಮು ಮತ್ತು ಕಾಶ್ಮೀರ ಪೀಪಲ್ಸ್‌ ಮೂವ್‌ಮೆಂಟ್‌ ಪಕ್ಷ  ಹುಟ್ಟಿಕೊಳ್ಳಲಿದೆ.

2010 ರ ಸಾಲಿನ ಐಎಎಸ್‌ ಟಾಪರ್‌ ಆಗಿದ್ದ ಫೈಸಲ್‌ ಅವರು ಈ ವರ್ಷ ಜನವರಿಯಲ್ಲಿ ತಮ್ಮ ಹುದ್ದೆಗೆ ರಾಜೀನಾಮೆ ಸಲ್ಲಿಸಿದ್ದರು. ಕಾಶ್ಮೀರಿಗಳ ಮೇಲೆ ಹಿಂಸೆ,ಮುಸ್ಲಿಮರನ್ನು ಕೀಳಾಗಿ ಕಾಣುತ್ತಿದ್ದಾರೆ ಎಂದು ಅವರು ಆಕ್ರೋಶ ಹೊರ ಹಾಕಿ ರಾಜೀನಾಮೆ ನೀಡಿದ್ದರು.

ರಾಜೀನಾಮೆ ನೀಡಿದ ಬಳಿಕ ಕಾಶ್ಮೀರದ ಯುವ ಜನತೆಯೊಂದಿಗೆ ನಿರಂತರವಾಗಿ ಬೆರೆತು ಅಭಿಪ್ರಾಯಗಳನ್ನು ಸಂಗ್ರಹಿಸುತ್ತಿದ್ದಾರೆ.