ಶಬರಿಮಲೆ ದೇಗುಲಕ್ಕೆ ಹೆಚ್ಚಿನ ಸಂಖ್ಯೆಯ ಭಕ್ತರ ಪ್ರವೇಶಕ್ಕೆ ಅನುಮತಿ: ಮುಜರಾಯಿ ಸಚಿವರ ಹೇಳಿಕೆ

ಶಬರಿಮಲೆ: ಅಯ್ಯಪ್ಪ ದೇಗುಲದಲ್ಲಿ ಹೆಚ್ಚು ಸಂಖ್ಯೆಯಲ್ಲಿ ಭಕ್ತರ ಪ್ರವೇಶಕ್ಕೆ ಅನುಮತಿ ನೀಡಲು ನಿರ್ಧರಿಸಲಾಗಿದೆ. ಕೊರೊನಾ ನಿಯಮಗಳ ಅನ್ವಯವೇ ಈ ಕ್ರಮ ಕೈಗೊಳ್ಳಲಾಗುತ್ತದೆ ಎಂದು ಕೇರಳ ಮುಜರಾಯಿ ಸಚಿವ ಕಡಕಂಪಳ್ಳಿ ಸುರೇಂದ್ರನ್‌ ತಿಳಿಸಿದ್ದಾರೆ.

ಹೊಸ ನಿಯಮಗಳ ಪ್ರಕಾರ ವಾರದ ದಿನಗಳಲ್ಲಿ ಗರಿಷ್ಠ 2 ಸಾವಿರ ಮಂದಿ, ಶನಿವಾರ ಮತ್ತು ರವಿವಾರ 3 ಸಾವಿರ ಮಂದಿ ಭೇಟಿ ನೀಡಬಹುದು. ಸದ್ಯದ ಮಿತಿ ಕ್ರಮವಾಗಿ ಪ್ರತೀ ದಿನ 1 ಸಾವಿರ ಮತ್ತು ವಾರಾಂತ್ಯದಲ್ಲಿ 2 ಸಾವಿರ ಇದೆ.
ನ. 16ರಂದು ದೇಗುಲದ ಬಾಗಿಲು ತೆರೆಯಲಾಗಿತ್ತು. ಡಿ. 26ರಂದು ಮಂಡಲಪೂಜೆ ನಡೆಯಲಿದೆ.