ಮಸಾಜ್‌ ಪಾರ್ಲರ್‌ನಲ್ಲಿ ಸೆಕ್ಸ್‌ ಜಾಲ: 9 ತರುಣ, ತರುಣಿಯರ ಬಂಧನ

ನೋಯ್ಡಾ : ನೋಯ್ಡಾ ಸೆಕ್ಟರ್‌ 18ರ ಮಾರ್ಕೆಟ್‌ನ ಮಸಾಜ್‌ ಪಾರ್ಲರ್‌ನಲ್ಲಿ ಸೆಕ್ಸ್‌ ಜಾಲ ಸಕ್ರಿಯವಾಗಿರುವುದನ್ನು ನೋಯ್ಡಾ ಪೊಲೀಸರು ಭೇದಿಸಿದ್ದಾರೆ. 

ಮೇದಾಂತ ಎಂಬ ಹೆಸರಿನ ಸ್ಪಾ ಗೆ ದಾಳಿ ನಡೆಸಿದ ಪೊಲೀಸರು, ಅಲ್ಲಿ ಲೈಂಗಿಕವಾಗಿ ತೊಡಗಿಕೊಂಡಿದ್ದ ಇಬ್ಬರು ಹುಡುಗಿಯರು ಮತ್ತು ಏಳು ಮಂದಿ ತರುಣರನ್ನು ವಶಕ್ಕೆ ತೆಗೆದುಕೊಂಡರು. 

ಈ ಸಂಬಂಧ ಸೆಕ್ಟರ್‌ 20 ಪೊಲೀಸ್‌ ಠಾಣೆಯಲ್ಲಿ ಕೇಸ್‌ ದಾಖಲಾಗಿದೆ. ವಶಕ್ಕೆ ತೆಗೆದುಕೊಳ್ಳಲಾದ ಎಲ್ಲರನ್ನೂ ಪೊಲೀಸರು ಬಂಧಿಸಿದ್ದಾರೆ. 

ಈ ವರ್ಷ ಜನವರಿಯಲ್ಲಿ ಹೈದರಾಬಾದಿನ ಐಶಾರಾಮೀ ಬಂಜಾರಾ ಹಿಲ್ಸ್‌ ಪ್ರದೇಶದಲ್ಲಿ  ನಡೆಯುತ್ತಿದ್ದ ಹೈ ಪ್ರೊಫೈಲ್‌ ಸೆಕ್ಸ್‌ ಜಾಲವನ್ನು ಪೊಲೀಸರು ಭೇದಿಸಿ, ಅದನ್ನು ನಡೆಸುತ್ತಿದ್ದ ಮೂವರನ್ನು ಬಂಧಿಸಿದ್ದರು.