ಯುಎಇನಲ್ಲಿ ಹೊಸ ತೈಲ ನಿಕ್ಷೇಪ ಪತ್ತೆ

ಅಬುಧಾಬಿ: ತೈಲೋತ್ಪಾದನೆಯಲ್ಲಿ ಜಗತ್ತಿನ ಪ್ರಮುಖ ರಾಷ್ಟ್ರಗಳಲ್ಲಿ (ಒಪೆಕ್‌) ಒಂದಾದ ಯು.ಎ.ಇ, ತನ್ನ ವ್ಯಾಪ್ತಿಯಲ್ಲಿ ಹೊಸದಾಗಿ ಮತ್ತಷ್ಟು ತೈಲ ಬಾವಿಗಳು ಹಾಗೂ ನೈಸರ್ಗಿಕ ಅನಿಲ ನಿಕ್ಷೇಪಗಳನ್ನು ಪತ್ತೆ ಹಚ್ಚಿದೆ.

ಯು.ಎ.ಇ.ನಲ್ಲಿ ಇಂಧನ ಕ್ಷೇತ್ರದಲ್ಲಿ ಮಹತ್ವದ ನಿರ್ಧಾರಗಳನ್ನು ಕೈಗೊಳ್ಳುವ ಅಧಿಕಾರವಿರುವ ಸುಪ್ರೀಂ ಪೆಟ್ರೋಲಿಯಂ ಕೌನ್ಸಿಲ್‌ (ಎಸ್‌ಪಿಸಿ) ಹೊರಡಿಸಿರುವ ಪ್ರಕಾರ, ಹೊಸದಾಗಿ ಪತ್ತೆಯಾಗಿರುವ ತೈಲ ಬಾವಿಗಳಲ್ಲಿ ಏಳು ಬಿಲಿಯನ್‌ ಬ್ಯಾರೆಲ್‌ಗ‌ಳಷ್ಟು ಕಚ್ಚಾ ತೈಲವಿದ್ದು, ನೈಸರ್ಗಿಕ ಅನಿಲ ನಿಕ್ಷೇಪದಲ್ಲಿ 58 ಟ್ರಿಲಿಯನ್‌ ಕ್ಯೂಬಿಕ್‌ ಅಡಿಗಳಷ್ಟು ಅನಿಲ ತುಂಬಿದೆ ಎಂದು ಹೇಳಲಾಗಿದೆ.

ಇದರಿಂದಾಗಿ, ಆ ದೇಶದಲ್ಲಿರುವ ಕಚ್ಚಾ ತೈಲದ ಪ್ರಮಾಣ 105 ಬಿಲಿಯನ್‌ ಬ್ಯಾರೆಲ್‌ಗ‌ಳಿಗೆ ಮುಟ್ಟಿದ್ದು, ಆ ಮೂಲಕ ಜಗತ್ತಿನ 6ನೇ ಅತಿ ದೊಡ್ಡ ತೈಲ ಸಂಗ್ರಹ ಹೊಂದಿರುವ ದೇಶವೆಂಬ ಹೆಗ್ಗಳಿಕೆ ಪಡೆದಿದ್ದ ಕುವೈತ್‌ ಅನ್ನು ಯುಎಇ ಹಿಂದಿಕ್ಕಿದೆ ಎಂದು ಅಬುಧಾಬಿ ರಾಷ್ಟ್ರೀಯ ತೈಲ ಸಂಸ್ಥೆ ತಿಳಿಸಿದೆ.