ಶೀರೂರು ಮಠಕ್ಕೆ ಸಮಿತಿ ರಚನೆ

ಉಡುಪಿ: ಶೀರೂರು ಮಠದ ದ್ವಂದ್ವ ಮಠವಾದ ಶ್ರೀ ಸೋದೆ ಮಠದ ಶ್ರೀ ವಿಶ್ವವಲ್ಲಭತೀರ್ಥ ಶ್ರೀಪಾದರು ಶೀರೂರು ಮಠದ ವ್ಯವಸ್ಥಾಪನೆಗೆ ಸಮಿತಿಯೊಂದನ್ನು ರಚಿಸಿದ್ದಾರೆ. ಅದಕ್ಕೆ ಸೂಕ್ತ ಮಾರ್ಗದರ್ಶನ ನೀಡಿದ ಸ್ವಾಮೀಜಿಯವರು ಶನಿವಾರ ಚಾತುರ್ಮಾಸ್ಯವ್ರತ ಆಚರಣೆಗಾಗಿ ಶಿರಸಿ ಸಮೀಪದ ಸೋಂದಾ ಕ್ಷೇತ್ರಕ್ಕೆ ಉಡುಪಿಯಿಂದ ತೆರಳಿದರು.

ಏತನ್ಮಧ್ಯೆ ಕಲ್ಸಂಕ ಬಳಿಯ ಕನಕ ಮಾಲ್‌ ನಿರ್ಮಾಣಕ್ಕೆ ಮಾಡಿದ ಸಾಲದ ಕುರಿತು ಕಾರ್ಪೊರೇಶನ್‌ ಬ್ಯಾಂಕ್‌ ಅಧಿಕಾರಿಗಳು ಸ್ವಾಮೀಜಿಯವರನ್ನು ಭೇಟಿ ಮಾಡಿ ಇತ್ಯರ್ಥಪಡಿಸಲು ಚರ್ಚೆ ನಡೆಸಿದರು ಎಂದು ತಿಳಿದುಬಂದಿದೆ.