ಸೆಬಿ ವಿರುದ್ಧ ವಿಜಯ ಮಲ್ಯ ಸಲ್ಲಿಸಿದ್ದ ಅರ್ಜಿ ತಿರಸ್ಕೃತ

ನವದೆಹಲಿ: ಸೆಬಿ ಹೇರಿದ್ದ ಮಾರುಕಟ್ಟೆ ನಿಷೇಧವನ್ನು ಪ್ರಶ್ನಿಸಿ ಸುಸ್ತಿದಾರ ವಿಜಯ್‌ ಮಲ್ಯ ಅವರು ಸಲ್ಲಿಸಿದ್ದ ಮನವಿಯನ್ನು ಸೆಕ್ಯುರಿಟೀಸ್‌ ಮೇಲ್ಮನವಿ ಪ್ರಾಧಿಕಾರ ತಿರಸ್ಕರಿಸಿದೆ. 

ಅಲ್ಲದೇ, ಯುನೈಟೆಡ್‌ ಬ್ರಿàವರೀಸ್‌ ಲಿಮಿಟೆಡ್‌ ಅಧ್ಯಕ್ಷ ಹುದ್ದೆ ಸೇರಿ, ಯಾವುದೇ ಮಂಡಳಿ ಹುದ್ದೆಗಳನ್ನು ಮಲ್ಯ ನಿರ್ವಹಿಸುವಂತಿಲ್ಲ ಎಂದು ಕೂಡ ಸೆಬಿ ನಿಬಂಧನೆ ವಿಧಿಸಿತ್ತು. ಅದನ್ನೂ ಎಸ್‌ಎಟಿ ಎತ್ತಿಹಿಡಿದಿದೆ. ಜೊತೆಗೆ ವೈಯಕ್ತಿಕವಾಗಿ ಅಥವಾ ಯಾರಾದರೂ ಕಾನೂನುಬದ್ಧ ಪ್ರತಿನಿಧಿ ಮೂಲಕ 21 ದಿನಗಳ ಒಳಗೆ ಸೆಬಿ ಎದುರು ಹಾಜರಾಗುವಂತೆ ಎಸ್‌ಎಟಿ ಸೂಚಿಸಿದೆ. ಇದರಿಂದ ತಮ್ಮ ಮೇಲಿನ ಯಾವುದಾದರೂ ನಿಷೇಧದಲ್ಲಿ ಸಡಿಲಿಕೆ ಮಾಡಲು ನಿಯಂತ್ರಕರಿಗೆ ಸಹಾಯವಾಗುತ್ತದೆ ಎಂದು ಹೇಳಿದೆ.