10 ವರ್ಷಕ್ಕೆ ನಿಗದಿ ಮಾಡಿ

ಹೊಸದಿಲ್ಲಿ: ಕೇಂದ್ರ ಸರಕಾರ‌ ಜಾರಿಗೊಳಿಸಿರುವ ಇ-ವೀಸಾಗಳ ಅವಧಿಯನ್ನು ಹತ್ತು ವರ್ಷಗಳಿಗೆ ನಿಗದಿ ಮಾಡಬೇಕು ಎಂದು ನೀತಿ ಆಯೋಗ ಸಲಹೆ ನೀಡಿದೆ. ಹೆಚ್ಚಿನ ಸಂಖ್ಯೆಯಲ್ಲಿ ಪ್ರವಾಸಿಗರನ್ನು ಆಕರ್ಷಿಸುವ ನಿಟ್ಟಿನಲ್ಲಿ ಇ-ಮೆಡಿಕಲ್‌ ವೀಸಾ ನೀಡುವ ಸಂಖ್ಯೆಯನ್ನೂ ವೃದ್ಧಿಸಬೇಕೆಂದಿದೆ. ಸದ್ಯ ಇ-ಮೆಡಿಕಲ್‌ ವೀಸಾ ಹೊಂದಿರುವವರು ವರ್ಷಕ್ಕೆ ಮೂರು ಬಾರಿ ಅದನ್ನು ಪುನರಾವರ್ತಿಸಲು ಅವಕಾಶ ಉಂಟು. ಇ- ವೀಸಾ ಜಾರಿ ಮಾಡಿದ್ದರೂ ಅದಕ್ಕೆ ಅರ್ಜಿ ಹಾಕುವ ವ್ಯವಸ್ಥೆಯಲ್ಲಿ ಇನ್ನೂ ನ್ಯೂನತೆಗಳಿವೆ ಎಂದು ಆಯೋಗ ಹೇಳಿದೆ.