ಖಾನ್‌ಗೆ ಪ್ರಧಾನಿ ಪಟ್ಟ ಮತ್ತಷ್ಟು ತಡ

ಇಸ್ಲಾಮಾಬಾದ್‌: ಚುನಾವಣೆಯಲ್ಲಿ ಪಾಕಿಸ್ತಾನದ ನಿಯೋಜಿತ ಪ್ರಧಾನಿ ಇಮ್ರಾನ್‌ ಖಾನ್‌ ಜಯ ಸಾಧಿಸಿದ್ದ ಇಸ್ಲಾಮಾಬಾದ್‌ ಹಾಗೂ ಲಾಹೋರ್‌ ಕ್ಷೇತ್ರಗಳ ‘ಚುನಾಯಿತ ಅಭ್ಯರ್ಥಿಯ ಘೋಷಣೆ’ಯನ್ನು ಪಾಕಿಸ್ಥಾನ ಚುನಾವಣಾ ಆಯೋಗ ತಡೆಹಿಡಿದಿದೆ. ಚುನಾವಣೆ ವೇಳೆ, ಖಾನ್‌ ನೀತಿ ಸಂಹಿತೆ ಉಲ್ಲಂಘನೆ ಮಾಡಿರುವ ಆರೋಪ ಕೇಳಿಬಂದ ಹಿನ್ನೆಲೆಯಲ್ಲಿ ಈ ಕ್ರಮ ಕೈಗೊಳ್ಳಲಾಗಿದೆ. ಖಾನ್‌ ಅವರು, ಇಸ್ಲಾಮಾಬಾದ್‌, ಲಾಹೋರ್‌ ಸೇರಿದಂತೆ ಬನ್ನು, ಮಿಯಾನ್‌ ವಾಲಿ, ಕರಾಚಿ ಪೂರ್ವ ಕ್ಷೇತ್ರಗಳಲ್ಲೂ ನಿಂತು ಜಯ ಸಾಧಿಸಿದ್ದರು.

ಏತನ್ಮಧ್ಯೆ, ಈ ಹಿಂದೆ ಖೈಬರ್‌ ಪ್ರಾಂತ್ಯದಲ್ಲಿ ಆಡಳಿತಾಧಿಕಾರಿಯಾಗಿದ್ದಾಗ ಸರಕಾರಿ ಕಾಪ್ಟರ್‌ ಗಳನ್ನು ಸ್ವಂತ ಕೆಲಸಕ್ಕೆ ಬಳಸಿಕೊಂಡಿದ್ದ ಪ್ರಕರಣಕ್ಕಾಗಿ ಪಾಕಿಸ್ಥಾನ ಬಾಧ್ಯತಾ ಸಂಸ್ಥೆ, ಖಾನ್‌ ಅವರನ್ನು ವಿಚಾರಣೆಗೊಳಪಡಿಸಿದೆ.