ದಿಲ್ಲಿ ಮೆಟ್ರೋ ಬ್ಲೂ ಲೈನ್‌ ಸಿಗ್ನಲ್‌ ದೋಷ: ಪ್ರಯಾಣಿಕರ ಪರದಾಟ

ಹೊಸದಿಲ್ಲಿ : ದಿಲ್ಲಿ ಮೆಟ್ರೋ ಬ್ಲೂ ಲೈನ್‌ ನಲ್ಲಿ  ಕರೋಲ್‌ ಬಾಗ್‌ ಮತ್ತು ದ್ವಾರಕಾ ಸೆಕ್ಷನ್‌ ನಲ್ಲಿ ಸಿಗ್ನಲ್‌ ದೋಷ ಕಂಡು ಬಂದ ಕಾರಣ ಇಂದು ಮೆಟ್ರೋ ಓಡಾಟ ಸ್ವಲ್ಪ ಕಾಲ ಬಾಧಿತವಾಗಿ ಪ್ರಯಾಣಿಕರು ತೊಂದರೆಗೆ ಗುರಿಯಾದರು.

ದಿಲ್ಲಿ ಮೆಟ್ರೋ ಬ್ಲೂ ಲೈನ್‌, ದ್ವಾರಕಾವನ್ನು ನೋಯ್ಡಾ/ವೈಶಾಲಿಯೊಡನೆ ಸಂಪರ್ಕಿಸುತ್ತದೆ. 

ಕರೋಲ್‌ ಬಾಗ್‌ – ದ್ವಾರಕಾ ಸೆಕ್ಷನ್‌ನಲ್ಲಿ ಕಂಡು ಬಂದ ಸಿಗ್ನಲ್‌ ದೋಷವನ್ನು ತುರ್ತು ನೆಲೆಯಲ್ಲಿ ಸರಿಪಡಿಸಿದ ಬಳಿಕ ರೈಲು ಓಡಾಟ ಮಾಮೂಲಿ ಸ್ಥಿತಿಗೆ ಬಂತೆಂದು ಅಧಿಕಾರಿಗಳು ತಿಳಿಸಿದ್ದಾರೆ.