ಲಸಿಕೆ  ಸ್ವೀಕರಿಸಲು ಸರ್ವರ್‌ ಅಡ್ಡಿ!

ಉಡುಪಿ: ಈಗ ಫ್ರಂಟ್‌ ಲೈನ್‌ ವಾರಿಯರ್‌ಗಳಿಂದ ಹಿಡಿದು ಹಿರಿಯ ನಾಗರಿಕರ ವರೆಗೆ ಕೋವಿಡ್ ನಿಯಂತ್ರಣದ ಲಸಿಕೆಯನ್ನು ವಿತರಿಸಲಾಗುತ್ತಿದೆ. ಆದರೆ ಇದನ್ನು ಪಡೆಯಲು ಸರ್ವರ್‌ ಅಡ್ಡಿಯಾಗುತ್ತಿರುವುದಾಗಿ ವರದಿಯಾಗಿದೆ.

ಫ‌ಲಾನುಭವಿಗಳು ಮುಂಚಿತವಾಗಿ ನೋಂದಣಿ ಮಾಡಿಕೊಂಡವರೂ, ಅದೇ ದಿನ ನೋಂದಣಿಗೆ ಬರುವವರೂ ಇರುತ್ತಾರೆ. ಅವರಿಗೆ ನೋಂದಣಿಯಾದ ಬಳಿಕ ಒಟಿಪಿ ಸಂಖ್ಯೆ ಬರಬೇಕು. ಅಪ್‌ಲೋಡ್‌ ಮಾಡುವಾಗ ಸಂಪರ್ಕ ಸಾಧಿಸಲಾಗದೆ ಎರಡು ಮೂರು ಗಂಟೆ ಕಾಯಬೇಕಾಗುತ್ತದೆ.

ಇಡೀ ರಾಷ್ಟ್ರದಲ್ಲಿ ಒಮ್ಮೆ ನೋಂದಣಿ ಮಾಡಿಕೊಂಡಾಗ ಸಿಗ್ನಲ್‌ ಕಡಿಮೆಯಾಗುತ್ತದೆ. ಹೀಗಾಗಿ ಲಕ್ಷಗಟ್ಟಲೆ ಜನರು ಲಾಗಿನ್‌ ಆದಾಗ ಈ ಸಮಸ್ಯೆ ಆಗುವುದು ಸಹಜ ಎಂದು ಜಿಲ್ಲಾ ಆರೋಗ್ಯಾಧಿಕಾರಿ ಡಾ| ಸುಧೀರ್‌ಚಂದ್ರ ಸೂಡ ಹೇಳುತ್ತಾರೆ.