ದೇಶೀಯ ಕ್ಯಾನ್ಸರ್‌ ತಡೆಗಟ್ಟುವ ಲಸಿಕೆಗೆ ಡಿಸಿಜಿಐ ಅಸ್ತು

ಹೊಸದಿಲ್ಲಿ: ಸೆರಮ್‌ ಇನ್‌ಸ್ಟಿಟ್ಯೂಟ್‌ ಆಫ್ ಇಂಡಿಯಾ (ಎಸ್‌ಐಐ) ಕಂಪೆನಿಯು ದೇಶೀಯವಾಗಿ ಸಂಶೋಧಿಸಿರುವ ಗರ್ಭಕೋಶದ ಕ್ಯಾನ್ಸರ್‌ ತಡೆಗಟ್ಟುವ ಲಸಿಕೆಗೆ ಭಾರತೀಯ ಔಷಧ ನಿಯಂತ್ರಣ ಮಹಾ ನಿರ್ದೇಶಕರ ಕಚೇರಿ (ಡಿಸಿಜಿಐ) ಒಪ್ಪಿಗೆ ನೀಡಿದೆ.

ಇದರಿಂದ ಕ್ವಾಡ್ರಿವಲೆಂಟ್‌ ಹ್ಯೂಮನ್‌ ಪ್ಯಾಪಿಲೋಮಾವಿರಸ್‌ ವೈರಸ್‌ (ಕ್ಯುಎಚ್‌ಪಿವಿ) ಎಂಬ ಈ ಲಸಿಕೆಯನ್ನು ಉತ್ಪಾದಿಸಲು ಎಸ್‌ಐಐ ಕಂಪೆನಿಗೆ ಹಸುರು ನಿಶಾನೆ ಸಿಕ್ಕಂತಾಗಿದೆ.

ಭಾರತದಲ್ಲಿ 15ರಿಂದ 44 ವರ್ಷದೊಳಗಿನ ಹೆಣ್ಣುಮಕ್ಕಳಲ್ಲಿ ಕಾಣಿಸಿಕೊಳ್ಳುವ ಗರ್ಭಕೋಶದ ಕ್ಯಾನ್ಸರ್‌, ದೇಶದಲ್ಲಿ ಅತೀ ಹೆಚ್ಚಿನವರಲ್ಲಿ ಕಾಣಿಸಿಕೊಳ್ಳುವ ಕ್ಯಾನ್ಸರ್‌ನ ಮಾದರಿ ಎನಿಸಿಕೊಂಡಿದೆ.