ಸೆರೆನಾಗೆ ವೈಲ್ಡ್‌ಕಾರ್ಡ್‌ 

ಲಾಸ್‌ ಏಂಜಲೀಸ್‌: ಮುಂದಿನ ತಿಂಗಳು ನಡೆಯಲಿರುವ “ರೋಜರ್ ಕಪ್‌’ ಟೆನಿಸ್‌ ಪಂದ್ಯಾವಳಿಯಲ್ಲಿ ಸೆರೆನಾ ವಿಲಿಯಮ್ಸ್‌ ಅವರಿಗೆ ವೈಲ್ಡ್‌ಕಾರ್ಡ್‌ ನೀಡಲಾಗುವುದು ಎಂದು ಕೂಟದ ಸಂಘಟಕರು ತಿಳಿಸಿದ್ದಾರೆ. ಇಲ್ಲಿ 3 ಸಲ ಚಾಂಪಿಯನ್‌ ಆಗಿರುವ ಸೆರೆನಾ 2014ರ ಬಳಿಕ ಈ ಮಾಂಟ್ರಿಯಲ್‌ ಕೂಟದಲ್ಲಿ ಆಡಿಲ್ಲ. ಅಂದು ಸೆಮಿಫೈನಲ್‌ನಲ್ಲಿ ಪರಾಭವಗೊಂಡಿದ್ದರು.  

“ಕೆಲವು ವಾರಗಳ ಹಿಂದೆಯೇ ನಾವು ಆಟಗಾರರ ಯಾದಿಯೊಂದನ್ನು ಪ್ರಕಟಿಸಿದ್ದೇವೆ. ಆದರೆ ಸೆರೆನಾ ವಿಲಿಯಮ್ಸ್‌ ಕೊರತೆ ಎದ್ದು ಕಾಣುತ್ತಿದೆ. ಹೀಗಾಗಿ ಅವರಿಗೆ ವೈಲ್ಡ್‌ಕಾರ್ಡ್‌ ಪ್ರವೇಶ ಕಲ್ಪಿಸಲಾಗುವುದು’ ಎಂದು ಕೂಟದ ನಿರ್ದೇಶಕ ಯುಗೇನ್‌ ಲ್ಯಾಪಿಯರ್‌ ಹೇಳಿದ್ದಾರೆ.