38,000 ದಾಟಿದ ಸೆನ್ಸೆಕ್ಸ್‌ 

ಮುಂಬಯಿ: ಬಾಂಬೆ ಷೇರು ಪೇಟೆ ಸಂವೇದಿ ಸೂಚ್ಯಂಕ ಗುರುವಾರ ಇದೇ ಮೊದಲ ಬಾರಿಗೆ 38 ಸಾವಿರದ ಗಡಿ ದಾಟಿದೆ. ಇನ್ನೊಂದೆಡೆ, ನಿಫ್ಟಿ ಸೂಚ್ಯಂಕ ಸತತ ಐದನೇ ದಿನವೂ ಏರಿಕೆಯಾಗಿದ್ದು, 20 ಅಂಕಗಳಷ್ಟು ಏರಿಕೆ ದಾಖಲಿಸಿದೆ. ಪ್ರಮುಖ ಕಾರ್ಪೊರೇಟ್‌ ಕಂಪನಿ ಗಳ ಉತ್ತಮ ಸಾಧನೆ, ವಿದೇಶಿ ಮತ್ತು ಸಾಂಸ್ಥಿಕ ಹೂಡಿಕೆದಾರರು ಉತ್ತಮ ವಹಿವಾಟು ನಡೆಸಿದ್ದರಿಂದ ಷೇರು ಪೇಟೆಯಲ್ಲಿ ತೇಜಿಯ ವಹಿವಾಟು ನಡೆದಿದೆ.

37,887ರಿಂದ ಆರಂಭವಾದ  ಸೂಚ್ಯಂಕ 38,024.37ರ ವರೆಗೆ ಏರಿಕೆ ಕಂಡಿತು. ಹೀಗಾಗಿ 136.81 ರಷ್ಟು ಅಂಕ ಏರಿಕೆ ದಾಖಲಿಸಿದೆ. ಜು.28ರಂದು ಸೆನ್ಸೆಕ್ಸ್‌ 37 ಸಾವಿರಕ್ಕೆ ಏರಿಕೆಯಾಗಿತ್ತು. ನಿಫ್ಟಿ ಸೂಚ್ಯಂಕ 11,470.70ಕ್ಕೆ ಏರಿಕೆಯಾಗಿ 20.70ರಷ್ಟು ವೃದ್ಧಿಸಿ ದಾಖಲೆ ತಲುಪಿತು.