ಷೇರು ಪೇಟೆ ಸೂಚ್ಯಂಕ ಏರಿಕೆ ಅಬಾಧಿತ

ಮುಂಬಯಿ: ಮುಂಬಯಿ ಷೇರು ಪೇಟೆಯಲ್ಲಿನ ಸೂಚ್ಯಂಕದ ಓಟ ಬುಧವಾರವೂ ಮುಂದುವರಿದಿದೆ. ಮಧ್ಯಾಂತರದಲ್ಲಿ ಸೂಚ್ಯಂಕ 41,614.77ಕ್ಕೆ ಏರಿಕೆಯಾಗಿ ದಿನದ ಅಂತ್ಯಕ್ಕೆ 41,558ರಲ್ಲಿ ಮುಕ್ತಾಯವಾಗಿದೆ. ಒಟ್ಟಾರೆ, ಸಂವೇದಿ ಸೂಚ್ಯಂಕ 206.40 ಅಂಕಗಳು ಏರಿಕೆ ಕಂಡಿವೆ. ಇದು ಸಾರ್ವಕಾಲಿಕ ದಾಖಲೆಯಾಗಿದೆ.

ನಿಫ್ಟಿ ಸೂಚ್ಯಂಕ 56 ಅಂಕ ಏರಿಕೆಯಾಗಿ 12,221.65ರಲ್ಲಿ ಮುಕ್ತಾಯಗೊಂಡಿದೆ. ಮುಂಬರುವ ಬಜೆಟ್‌ನಲ್ಲಿ ಕೆಲವೊಂದು ಆರ್ಥಿಕ ಚೇತೋಹಾರಿ ಕ್ರಮಗಳ ಘೋಷಣೆ ಹಿನ್ನೆಲೆಯಲ್ಲಿ ಮಾರುಕಟ್ಟೆಯಲ್ಲಿ ಪೂರಕ ವಾತಾವರಣ ಉಂಟಾಗಿದೆ.