ಡಿಸ್ಕಸ್‌: ಸೀಮಾಗೆ ಬೆಳ್ಳಿ, ಕೌರ್‌ಗೆ ಕಂಚು

ಗೋಲ್ಡ್‌ಕೋಸ್ಟ್‌: ಕಾಮನ್ವೆಲ್ತ್‌ ಗೇಮ್ಸ್‌ ವನಿತಾ ಡಿಸ್ಕಸ್‌ ತ್ರೋನಲ್ಲಿ ಭಾರತದ ಸೀಮಾ ಪೂನಿಯಾ ಮತ್ತು ನವಜೀತ್‌ ಕೌರ್‌ ಧಿಲ್ಲೋನ್‌ ಕ್ರಮವಾಗಿ ಬೆಳ್ಳಿ ಮತ್ತು ಕಂಚಿನ ಪದಕ ಜಯಿಸಿದ್ದಾರೆ. ಇದರೊಂದಿಗೆ ಗೇಮ್ಸ್‌ ಆ್ಯತ್ಲೆಟಿಕ್ಸ್‌ ವಿಭಾಗದಲ್ಲಿ ಭಾರತ ಪದಕದ ಖಾತೆ ತೆರೆಯಿತು.

ಅನುಭವಿ ಆ್ಯತ್ಲೀಟ್‌ ಸೀಮಾ ಗ್ಲಾಸೊYà ಗೇಮ್ಸ್‌ನಲ್ಲೂ ಬೆಳ್ಳಿ ಜಯಿಸಿದ್ದರು. ಈ ಬಾರಿ ಡಿಸ್ಕಸ್‌ ತ್ರೋ ಸ್ಪರ್ಧೆಯ ಚಿನ್ನ ಆಸ್ಟ್ರೇಲಿಯದ ಡ್ಯಾನಿ ಸ್ಟೀವನ್ಸ್‌ ಪಾಲಾಯಿತು. ಅವರು 68.26 ಮೀ. ದೂರ ಎಸೆದು ಗೇಮ್ಸ್‌ ದಾಖಲೆ ಬರೆದರು.
ಮೊದಲ ಪ್ರಯತ್ನದ 60.41 ಮೀ. ಎಸೆತಕ್ಕೆ ಸೀಮಾಗೆ ಬೆಳ್ಳಿ ಒಲಿದರೆ, ನವಜೀತ್‌ ಕೊನೆಯ ಪ್ರಯತ್ನದಲ್ಲಿ 57.43 ಮೀ. ದೂರ ಚಕ್ರ ಎಸೆದು ಕಂಚು ತಮ್ಮದಾಗಿಸಿಕೊಂಡರು.

ಲಾಂಗ್‌ಜಂಪ್‌: ನಯನಾ, ನೀನಾ ವಿಫ‌ಲ
ಡಿಸ್ಕಸ್‌ ಎಸೆತಕ್ಕೂ ಮುನ್ನ ನಡೆದ ವನಿತಾ ಲಾಂಗ್‌ಜಂಪ್‌ನಲ್ಲಿ ನಯನಾ ಜೇಮ್ಸ್‌ ಮತ್ತು ನೀನಾ ಅಗ್ರ ಎಂಟರೊಳಗೆ ಸ್ಥಾನ ಗಳಿಸಲಾಗದೆ ಫೈನಲ್‌ಗ‌ೂ ಮೊದಲೇ ಸ್ಪರ್ಧೆಯಿಂದ ಹೊರಬಿದ್ದರು. ಫೆಡ್‌ ಕಪ್‌ ವಿಜೇತೆ ನಯನಾ ಬರೀ 6.14 ಮೀ. ಜಿಗಿಯಲಷ್ಟೇ ಶಕ್ತರಾದರು. ಹಿಂದೆ 6.54 ಮೀ. ಜಿಗಿದ ಸಾಧನೆ ಮಾಡಿದ್ದ ನಯನಾ ಈ ಗೇಮ್ಸ್‌ನಲ್ಲಿ ಪದಕದ ನಿರೀಕ್ಷೆ ಮೂಡಿಸಿದ್ದರು.