ಇನ್ಫಿ, ವಿಪ್ರೋ ಉದ್ಯೋಗಿಗಳಿಗೆ ಸೆಬಿ ನಿರ್ಬಂಧ

ನವದೆಹಲಿ:  ದೇಶದ ಪ್ರಮುಖ ಐ.ಟಿ.ಕಂಪನಿಗಳಾದ ಇನ್ಫೋಸಿಸ್‌ ಹಾಗೂ ವಿಪ್ರೋದ ಉದ್ಯೋಗಿಗಳಿಬ್ಬರು, ತಾವು ಕೆಲಸ ಮಾಡುತ್ತಿರುವ ಕಂಪನಿಗಳ ಷೇರುಗಳ ಮಾರಾಟ,  ಖರೀದಿ ಮಾಡುವುದನ್ನು “ಸೆಕ್ಯುರಿಟೀಸ್‌ ಆ್ಯಂಡ್‌ ಎಕ್ಸ್‌ಚೇಂಜಸ್‌ ಬೋರ್ಡ್‌ ಆಫ್ ಇಂಡಿಯಾ’ (ಸೆಬಿ) ನಿರ್ಬಂಧಿಸಿದೆ.

ರಮಿತ್‌ ಚೌಧರಿ ಮತ್ತು ಕೆಯೂರ್‌ ಮಣಿಯಾರ್‌ ಎಂಬುವರ ವಿರುದ್ಧ ಆಂತರಿಕ ವ್ಯವಹಾರ ನಡೆಸುತ್ತಿದ್ದಾರೆಂಬುದಾಗಿ ದೂರು ದಾಖಲಾಗಿತ್ತು.  ಜೂ. 1ರಂದು ಸೆಬಿ, ಈ ಇಬ್ಬರೂ ಉದ್ಯೋಗಿಗಳ ಮೇಲೆ ಇದೇ ಕಾರಣಕ್ಕಾಗಿ  ದಂಡ ವಿಧಿಸಿತ್ತು.

ತಮ್ಮ ಕಂಪನಿಗಳ ತ್ತೈಮಾಸಿಕ ವರದಿ ಪ್ರಕಟಗೊಳ್ಳುವುದಕ್ಕೂ ಮುನ್ನವೇ ಈ ವ್ಯಕ್ತಿಗಳು ಕಂಪನಿಗಳ ಷೇರು ಮೌಲ್ಯವನ್ನು ಏರಿಸುವ ಮೂಲಕ ಕಂಪನಿ  ಮಾಹಿತಿಯನ್ನು ಪರೋಕ್ಷವಾಗಿ ಸೋರಿಕೆ ಮಾಡುತ್ತಿದ್ದರು.