ದಿವಾಳಿ: ನಿಯಮ ಬಿಗಿಗೊಳಿಸಿದ ಸೆಬಿ

ಮುಂಬೈ: ಸಾಲ ಪಡೆದು ದಿವಾಳಿಯೆದ್ದು, ಅದನ್ನು ಘೋಷಣೆ ಮಾಡುವ ಬಗೆಗಿನ ನಿಯಮಗಳನ್ನು ಮಾರುಕಟ್ಟೆ ನಿಯಂತ್ರಕ ಸಂಸ್ಥೆ, ಸೆಬಿ ಮತ್ತಷ್ಟು ಬಿಗಿಗೊಳಿಸಿದೆ. ಇದಲ್ಲದೆ ಉದ್ದಿಮೆ ಹೊಣೆಗಾರಿಕೆ ವರದಿಯನ್ನು (ಬಿಸಿನೆಸ್‌ ರೆಸ್ಪಾನ್ಸಿಬಿಲಿಟಿ ರಿಪೋರ್ಟ್‌) ಹಾಲಿ 500 ಕಂಪನಿಗಳಿಂದ 1 ಸಾವಿರ ಕಂಪನಿಗಳಿಗೆ ವಿಸ್ತರಿಸುವ ಅವಕಾಶ ಕಲ್ಪಿಸಿಕೊಟ್ಟಿದೆ.

30 ದಿನಗಳ ಒಳಗಾಗಿ ಪಡೆದುಕೊಂಡ ಸಾಲ ಅಥವಾ ಬಡ್ಡಿ ಕಟ್ಟದೇ ಇದ್ದರೆ ಲಿಸ್ಟೆಡ್‌ ಆದ ಕಂಪನಿಗಳು 24 ಗಂಟೆಗಳ ಒಳಗಾಗಿ ದಿವಾಳಿ ಬಗೆಗಿನ ಸತ್ಯಾಂಶ ಘೋಷಣೆ ಮಾಡಬೇಕು. ಇದಲ್ಲದೆ ಷೇರುಗಳ ಹಂಚಿಕೆ ಬಗ್ಗೆಯೂ ನಿಯಮ ಪರಿಷ್ಕರಿಸಲಾಗಿದೆ.