Scottish Junior Squash: ಅನಾಹತ್‌ ಸಿಂಗ್‌ ಚಾಂಪಿಯನ್‌

ಹೊಸದಿಲ್ಲಿ: ಭಾರತದ ಪ್ರತಿಭಾನ್ವಿತ ಆಟಗಾರ್ತಿ ಅನಾಹತ್‌ ಸಿಂಗ್‌ 2023ರ ಸ್ಕಾಟಿಷ್‌ ಜೂನಿಯರ್‌ ಓಪನ್‌ ಸ್ಕ್ವಾಷ್‌ ಚಾಂಪಿಯನ್‌ ಆಗಿ ಮೂಡಿಬಂದಿದ್ದಾರೆ. ಫೈನಲ್‌ನಲ್ಲಿ ಅವರು ಆತಿಥೇಯ ಸ್ಕಾಟ್ಲೆಂಡ್‌ನ‌ ರೊಬಿನ್‌ ಮೆಕಾಲ್ಫಿನ್‌ ವಿರುದ್ಧ 11-6, 11-1, 11-5 ಅಂತರದ ಗೆಲುವು ಸಾಧಿಸಿದರು.

ಬಾಲಕರ ಅಂಡರ್‌-15 ಹಾಗೂ ಅಂಡರ್‌-13 ವಿಭಾಗಗಳಲ್ಲೂ ಭಾರತಕ್ಕೆ ಪ್ರಶಸ್ತಿ ಒಲಿದಿದೆ. ಅಂಡರ್‌-15 ವಿಭಾಗದ ಫೈನಲ್‌ “ಆಲ್‌ ಇಂಡಿಯನ್‌’ ಕಾಳಗವಾಗಿತ್ತು. ಇಲ್ಲಿ ಸುಭಾಷ್‌ ಚೌಧರಿ 5-11, 11-4, 6-11, 11-8, 11-5ರಿಂದ ಶಿವೇನ್‌ ಅಗರ್ವಾಲ್‌ ಅವರನ್ನು ಸೋಲಿಸಿದರು. ಅಂಡರ್‌-19 ವಿಭಾಗದ ಪ್ರಶಸ್ತಿ ಕಾಳಗದಲ್ಲಿ ಆದ್ಯ ಬುಧಿಯ ಮಲೇಷ್ಯಾದ ನೀಯ ಚ್ಯೂ ವಿರುದ್ಧ 9-11, 11-8, 8-11, 11-8, 11-9 ಅಂತರದಿಂದ ಗೆದ್ದು ಬಂದರು.

ಬಾಲಕರ ಅಂಡರ್‌-11 ವಿಭಾಗ ಕೂಡ “ಆಲ್‌ ಇಂಡಿಯಾ’ ಫೈನಲ್‌ಗೆ
ಸಾಕ್ಷಿಯಾಯಿತು. ಇಲ್ಲಿ ಅಗ್ರ ಶ್ರೇಯಾಂ ಕದ ಪ್ರಭವ್‌ ಬಜೋರಿಯಾ ದ್ವಿತೀಯ ಶ್ರೇಯಾಂಕದ ಆದಿತ್ಯ ಶಾ ಅವರನ್ನು 5-11, 9-11, 11-5, 11-8, 11-6ರಿಂದ ಪರಾಭವಗೊಳಿಸಿದರು. ಬಾಲಕಿಯರ ಅಂಡರ್‌-11 ವಿಭಾಗ ದಲ್ಲಿ ದಿವ್ಯಾಂಶಿ ಜೈನ್‌ ರನ್ನರ್‌-ಅಪ್‌ ಆದರು.