ಸುಪ್ರೀಂ ಕೋಟ್‌ನಿಂದ ಅತೀ ದೊಡ್ಡ ಸಾರ್ವಜನಿಕ ಪ್ರಾಮುಖ್ಯವಿಷಯದ ವಿಶೇಷ ವಿಚಾರಣೆ

ಹೊಸದಿಲ್ಲಿ : ನ್ಯಾಯಾಂಗದ ಸ್ವಾತಂತ್ರ್ಯವನ್ನು ಸ್ಪರ್ಶಿಸುವ ಅತೀ ದೊಡ್ಡ ಸಾರ್ವಜನಿಕ ಪ್ರಾಮುಖ್ಯ ವಿಷಯದ ವಿಶೇಷ ವಿಚಾರಣೆ ನಡೆಸಲು ವರಿಷ್ಠ ನ್ಯಾಯಮೂರ್ತಿ ರಂಜನ್‌ ಗೊಗೋಯ್‌ ನೇತೃತ್ವದ ವಿಶೇಷ ಪೀಠವನ್ನು ರಚಿಸಲಾಗಿದೆ.

ಸಾಲಿಸಿಟರ್‌ ಜನರಲ್‌ ತುಷಾರ್‌ ಮೆಹ್ತಾ ಅವರು ಸಿಜೆಐ ಗೊಗೊಯ್‌ ವಿರುದ್ಧ ಲೈಂಗಿಕ ಕಿರುಕುಳದ ಆರೋಪಗಳು ಕಾಣಿಸಿಕೊಂಡಿವೆ ಎಂದು ಸುಪ್ರೀಂ ಕೋರ್ಟಿನ ಸಂಬಂಧಿತ ಅಧಿಕಾರಿಗಳ ಮುಂದೆ ಹೇಳಿರುವುದನ್ನು ಅನುಸರಿಸಿ ಈ ವಿಶೇಷ ಪೀಠವನ್ನು ರಚಿಸಲಾಗಿದೆ. ಇಂದು ಶನಿವಾರ ಬೆಳಗ್ಗೆ 10.30ರ ಹೊತ್ತಿಗೆ ವಿಶೇಷ ವಿಚಾರಣೆ ಆರಂಭವಾಗಲಿದೆ ಎಂದು ಮೂಲಗಳು ಹೇಳಿವೆ.

ಮಹಿಳೆಯೊಬ್ಬರು ಮಾಡಿರುವ ಲೈಂಗಿಕ ಕಿರುಕುಳದ ಎಲ್ಲ ಆರೋಪಗಳು ನಿರಾಧಾರ ಮತ್ತು ದುರುದ್ದೇಶಪೂರಿತವಾದವುಗಳೆಂದು ಸುಪ್ರೀಂ ಕೋರ್ಟಿನ ಮಹಾ ಕಾರ್ಯದರ್ಶಿ ಸುಧಾಕರ ಕಲಗಾಂವ್‌ಕರ್‌ ಹೇಳಿದ್ದಾರೆ. ವರಿಷ್ಠ ನ್ಯಾಯಮೂರ್ತಿ ರಂಜನ್‌ ಗೊಗೊಯ್‌ ಮತ್ತು ಜಸ್ಟಿಸ್‌ಗಳಾದ ಅರುಣ್‌ ಮಿಶ್ರಾ ಮತ್ತು ಸಂಜೀವ್‌ ಖನ್ನಾ ಅವರನ್ನು ಒಳಗೊಂಡ ವಿಶೇಷ ಪೀಠವು ಆರೋಪಗಳ ವಿಚಾರಣೆಯನ್ನು ನಡೆಸಲಿದೆ.