ಎಸ್‌ಸಿ/ಎಸ್‌ಟಿ ಕಾಯಿದೆ ತಿದ್ದುಪಡಿ ತಡೆಗೆ ಸುಪ್ರೀಂ ಮತ್ತೆ ನಕಾರ

ಹೊಸದಿಲ್ಲಿ : ನಿರೀಕ್ಷಣಾ ಜಾಮೀನು ಇಲ್ಲದಿರುವ ಅವಕಾಶವನ್ನು ಪುನರ್‌ ಸ್ಥಾಪಿಸುವ ಎಸ್‌ಸಿ/ಎಸ್‌ಟಿ ಕಾಯಿದೆ ತಿದ್ದುಪಡಿಗೆ ತಡೆಯಾಜ್ಞೆ ನೀಡುವುದಕ್ಕೆ ಸುಪ್ರೀಂ ಕೋರ್ಟ್‌ ಇಂದು ಬುಧವಾರ ಮತ್ತೆ ನಿರಾಕರಿಸಿತು. 

ಕೇಂದ್ರದ ಪುನರ್‌ ವಿಮರ್ಶೆ ಮನವಿ ಸಹಿತವಾಗಿ ಎಲ್ಲ ವಿಷಯಗಳ ವಿಚಾರಣೆಯನ್ನು ಸುಪ್ರೀಂ ಕೋರ್ಟ್‌ ಫೆ.19ಕ್ಕೆ ನಿಗದಿಸಿತು.

ವಿಷಯಕ್ಕೆ ಸಂಬಂಧಿಸಿದಂತೆ ವಿಸ್ತೃತ ಮತ್ತು ಕೂಲಂಕಷ ವಿಚಾರಣೆ ಅಗತ್ಯವಿದೆ. ಅದುದರಿಂದ ಎಸ್‌ಸಿ/ಎಸ್‌ಟಿ ಕಾಯಿದೆ ತಿದ್ದುಪಡಿ ಸಂಬಂಧಿತ ಎಲ್ಲ ವಿಷಯಗಳ ವಿಚಾರಣೆಯನ್ನು ಫೆ.19ರಂದು ನಡೆಸಲಾಗುವುದು ಎಂದು ಜಸ್ಟಿಸ್‌ ಯು ಯು ಲಲಿತ್‌ ನೇತೃತ್ವದ ಪೀಠ ಸ್ಪಷ್ಟಪಡಿಸಿತು.