ಬೋಟ್‌ ಮಾಲೀಕನಿಗೆ ಪರಿಹಾರ ವಿತರಣೆಗೆ ಸುಪ್ರೀಂಕೋರ್ಟ್‌ ತಡೆ

ನವದೆಹಲಿ: 2012ರಲ್ಲಿ ಇಬ್ಬರು ಮೀನುಗಾರರ ಹತ್ಯೆ ಸಂಬಂಧ ಇಟಲಿ ನೌಕಾಪಡೆಯ ಸಿಬ್ಬಂದಿಯು ಪಾವತಿಸಿರುವ ಪರಿಹಾರ ಮೊತ್ತದಲ್ಲಿ ಯಾವುದೇ ಮೊತ್ತವನ್ನು ಮೀನುಗಾರಿಕಾ ದೋಣಿಯ ಮಾಲೀಕನಿಗೆ ವಿತರಣೆ ಮಾಡದಂತೆ ಕೇರಳ ಹೈಕೋರ್ಟ್‌ಗೆ ಸುಪ್ರೀಂ ಕೋರ್ಟ್‌ ಗುರುವಾರ ಆದೇಶಿಸಿದೆ.

ಬೆಸ್ತರಿಬ್ಬರನ್ನು ಹತ್ಯೆಗೈದ ನೌಕಾಪಡೆ ಸಿಬ್ಬಂದಿ ಇತ್ತೀಚೆಗೆ ಕೋರ್ಟ್‌ ತೀರ್ಪಿನ ಮೇರೆಗೆ 2 ಕೋಟಿ ರೂ. ಪರಿಹಾರವನ್ನು ಹಸ್ತಾಂತರಿಸಿದ್ದರು. ಆದರೆ, ಬೋಟ್‌ ಮಾಲೀಕನಿಗೆ ಪರಿಹಾರ ನೀಡುವುದಾದರೆ, ಆ ದೋಣಿಯಲ್ಲಿದ್ದ ನಮಗೂ ನೀಡಬೇಕು ಎಂದು ಇತರೆ 10 ಮಂದಿ ಮೀನುಗಾರರು ಸುಪ್ರೀಂ ಕೋರ್ಟ್‌ಗೆ ಅರ್ಜಿ ಸಲ್ಲಿಸಿದ್ದರು.

ಇದನ್ನೂ ಓದಿ:ಸಮಗ್ರ ನೀರಾವರಿಯತ್ತ ಹರಿಯಲಿ ಸಿಎಂ ಚಿತ್ತ

ಈ ಹಿನ್ನೆಲೆಯಲ್ಲಿ, ಸದ್ಯಕ್ಕೆ 2 ಕೋಟಿ ರೂ. ಪರಿಹಾರ ಮೊತ್ತವನ್ನು ವಿತರಣೆ ಮಾಡದಂತೆ ಕೇರಳ ಹೈಕೋರ್ಟ್‌ಗೆ ಸುಪ್ರೀಂ ಕೋರ್ಟ್‌ ಸೂಚಿಸಿದೆ.