ಎಸ್‌ಬಿಐ, ಎಚ್‌ಡಿಎಫ್ ಸಿ ಇಂದ ಶೇ.8.40 ಬಡ್ಡಿದರದಲ್ಲಿ ಗೃಹಸಾಲ

ಮುಂಬೈ: ಪ್ರತಿಷ್ಠಿತ ಬ್ಯಾಂಕ್‌ಗಳಾಗಿರುವ ಎಸ್‌ಬಿಐ ಹಾಗೂ ಎಚ್‌ಡಿಎಫ್ ಸಿ ಬ್ಯಾಂಕ್‌ ಮುಂಬರುವ ಹಬ್ಬಗಳ ಪ್ರಯುಕ್ತ ಗ್ರಾಹಕರಿಗೆ ವಿಶೇಷ ಸೌಲಭ್ಯ ನೀಡುತ್ತಿದೆ.

ಶೇ.8.40 ಆರಂಭಿಕ ಬಡ್ಡಿದರದಲ್ಲಿ ಗೃಹಸಾಲ ನೀಡುವುದಾಗಿ ಎರಡೂ ಬ್ಯಾಂಕ್‌ಗಳು ಘೋಷಿಸಿವೆ.

ಎಸ್‌ಬಿಐನ ಗೃಹ ಸಾಲದ ಮೊತ್ತ 6 ಲಕ್ಷ ಕೋಟಿ ರೂ. ದಾಟಿದೆ. ಆ ಸಂತಸದಲ್ಲಿರುವ ಬ್ಯಾಂಕ್‌ 2023ರ ಜ.31ರವರೆಗೆ ಶೇ.8.40 ಬಡ್ಡಿದರದಲ್ಲಿ ಗೃಹಸಾಲ ಕೊಡಲಿದೆ.

ಎಚ್‌ಡಿಎಫ್ ಸಿ ಕೂಡ ನ.30ರವರೆಗೆ ಶೇ.8.40 ಬಡ್ಡಿದರದಲ್ಲಿ ಗೃಹ ಸಾಲ ನೀಡಲಿದೆ. ಎಚ್‌ಡಿಎಫ್ ಸಿ ಯ ಈ ಸೌಲಭ್ಯ ಕ್ರೆಡಿಟ್‌ ಸ್ಕೋರ್‌ 750ಕ್ಕಿಂತ ಅಧಿಕವಿದ್ದರೆ ಮಾತ್ರ ಅನ್ವಯವಾಗುತ್ತದೆ ಎಂದು ಬ್ಯಾಂಕ್‌ ತಿಳಿಸಿದೆ.