ಎಫ್ಐಎಚ್‌ ವನಿತಾ ಪ್ರೊ ಲೀಗ್‌ ಹಾಕಿ: ಸವಿತಾ ಪುನಿಯಾ ನಾಯಕಿ

ಹೊಸದಿಲ್ಲಿ: ಸ್ಪೇನ್‌ ವಿರುದ್ಧ ಇದೇ ತಿಂಗಳು ಭುವನೇಶ್ವರದಲ್ಲಿ ನಡೆಯುವ ಎಫ್ಐಎಚ್‌ ವನಿತಾ ಪ್ರೊ ಲೀಗ್‌ ಹಾಕಿ ಪಂದ್ಯಾವಳಿಗಾಗಿ ಭಾರತ ತಂಡವನ್ನು ಪ್ರಕಟಿಸಲಾಗಿದೆ.

ರಾಣಿ ರಾಮ್‌ಪಾಲ್‌ ಗಾಯಾಳಾಗಿರುವ ಕಾರಣ ಗೋಲ್‌ ಕೀಪರ್‌ ಸವಿತಾ ಪುನಿಯಾ ತಂಡವನ್ನು ಮುನ್ನಡೆಸಲಿದ್ದಾರೆ. ಡಿಫೆಂಡರ್‌ ದೀಪ್‌ ಗ್ರೇಸ್‌ ಎಕ್ಕಾ ಉಪನಾಯಕಿಯಾಗಿದ್ದಾರೆ.

ಜಾರ್ಖಂಡ್‌ನ‌ ಯುವ ಆಟಗಾರ್ತಿ ಸಂಗೀತಾ ಕುಮಾರಿ ಈ ತಂಡದ ಹೊಸ ಮುಖವಾಗಿದ್ದಾರೆ. ಸವಿತಾ ಸೇರಿದಂತೆ ತಂಡದಲ್ಲಿ 3 ಗೋಲ್‌ ಕೀಪರ್‌ಗಳಿದ್ದಾರೆ. ಉಳಿದಿಬ್ಬರೆಂದರೆ ರಜನಿ ಎಟಿಮರ್ಪು ಮತ್ತು ಬಿಚುದೇವಿ ಖೈರ್ಬಾಮ್‌.
ಸವಿತಾ ನಾಯಕತ್ವದಲ್ಲಿ ಕಳೆದ ತಿಂಗಳು ಮಸ್ಕತ್‌ನಲ್ಲಿ ನಡೆದ ಏಶ್ಯ ಕಪ್‌ ಕೂಟದಲ್ಲಿ ಭಾರತ ತೃತೀಯ ಸ್ಥಾನಿಯಾಗಿತ್ತು. ಅಂದಿನ ತಂಡಕ್ಕೇ ಮತ್ತೆ ನಾಲ್ವರನ್ನು ಸೇರಿಸಿ ಈಗಿನ ತಂಡವನ್ನು ಅಂತಿಮಗೊಳಿಸಲಾಗಿದೆ. 5 ಮಂದಿ ಮೀಸಲು ಆಟಗಾರ್ತಿಯರೂ ಇದ್ದಾರೆ. ಭಾರತ-ಸ್ಪೇನ್‌ ಮುಖಾಮುಖಿ ಫೆ. 26 ಮತ್ತು 27ರಂದು ನಡೆಯಲಿದೆ.

ಇದನ್ನೂ ಓದಿ:ಪ್ರೊ ಕಬಡ್ಡಿ: ಬೆಂಗಳೂರು ಬುಲ್ಸ್‌, ಯುಪಿ ಯೋಧ ಸೆಮಿಫೈನಲ್‌ ಪ್ರವೇಶ

ಭಾರತ ತಂಡ; ಗೋಲ್‌ಕೀಪರ್: ಸವಿತಾ ಪುನಿಯಾ (ನಾಯಕಿ), ಬಿಚುದೇವಿ ಖೈರ್ಬಾಮ್‌, ರಜನಿ ಎಟಿಮರ್ಪು.
ಡಿಫೆಂಡರ್: ದೀಪ್‌ ಗ್ರೇಸ್‌ ಎಕ್ಕಾ, ಗುರ್ಜಿತ್‌ ಕೌರ್‌, ನಿಕ್ಕಿ ಪ್ರಧಾನ್‌, ಉದಿತಾ, ಇಶಿಕಾ ಚೌಧರಿ. ಮಿಡ್‌ ಫೀಲ್ಡರ್: ನಿಶಾ, ಸಲೀಮಾ ಟೇಟೆ, ಸುಶೀಲಾ ಚಾನು, ಜ್ಯೋತಿ, ಮೋನಿಕಾ, ನೇಹಾ, ನವಜೋತ್‌ ಕೌರ್‌, ನಮಿತಾ ಟೋಪೊ.ಫಾರ್ವರ್ಡ್ಸ್‌: ವಂದನಾ ಕಟಾರಿಯಾ, ಶರ್ಮಿಳಾದೇವಿ, ನವನೀತ್‌ ಕೌರ್‌, ಲಾಲ್ರೆಮ್ಸಿಯಾಮಿ, ಸಂಗೀತಾ ಕುಮಾರಿ, ರಾಜ್ವಿಂದರ್‌ ಕೌರ್‌. ಮೀಸಲು ಆಟಗಾರ್ತಿಯರು: ರಶ್ಮಿತಾ ಮಿಂಝ್, ಅಕ್ಷತಾ, ಸೋನಿಕಾ, ಮರಿಯಾನಾ ಕುಜುರ್‌, ಐಶ್ವರ್ಯಾ ರಾಜೇಶ್‌.