ಕ್ರಿಕೆಟ್‌ನಿಂದ ಸೌರಭ್‌ ತಿವಾರಿ ನಿವೃತ್ತಿ

ರಾಂಚಿ: ದೇಶೀಯ ಕ್ರಿಕೆಟ್‌ನಲ್ಲಿ ಉತ್ತಮ ಪ್ರದರ್ಶನ ನೀಡಿರುವ ಜಾರ್ಖಂಡ್‌ನ‌ ಖ್ಯಾತ ಬ್ಯಾಟರ್‌ ಸೌರಭ್‌ ತಿವಾರಿ ನಿವೃತ್ತಿ ಘೋಷಿಸಿದ್ದಾರೆ. ಫೆ. 16ರಿಂದ ಜಾರ್ಖಂಡ್‌ ಈ ಬಾರಿಯ ರಣಜಿಯಲ್ಲಿ ತನ್ನ ಕೊನೆಯ ಲೀಗ್‌ ಪಂದ್ಯವನ್ನು ರಾಜಸ್ಥಾನದ ವಿರುದ್ಧ ಆಡಲಿದೆ. ಅಲ್ಲಿಗೆ 17 ವರ್ಷದ ಸೌರಭ್‌ ವೃತ್ತಿಜೀವನಕ್ಕೆ ತೆರೆ ಬೀಳಲಿದೆ.

ಭಾರತದ ಪರ 3 ಏಕದಿನ ಪಂದ್ಯಗಳಲ್ಲಿ ಸೌರಭ್‌ ಕಾಣಿಸಿಕೊಂಡಿದ್ದಾರೆ. ಐಪಿಎಲ್‌ನಲ್ಲಿ 4 ತಂಡಗಳ ಪರ ಆಡಿದ್ದಾರೆ. ಧೋನಿಯಂತೆಯೇ ನೀಳವಾಗಿ ಕೂದಲು ಬಿಡುವ ಮೂಲಕ ಜನಪ್ರಿಯವಾಗಿದ್ದ ಸೌರಭ್‌, 115 ಪ್ರಥಮ ದರ್ಜೆ ಪಂದ್ಯಗಳಲ್ಲಿ 8,030 ರನ್‌ ಗಳಿಸಿದ್ದಾರೆ. 22 ಶತಕ ಬಾರಿಸಿದ್ದಾರೆ.