ಕಳೆದ 10 ದಿನದಲ್ಲಿ 12 ಮಂದಿಗೆ ಮರಣದಂಡನೆ ವಿಧಿಸಿದ ಸೌದಿ ಅರೇಬಿಯಾ ಸರ್ಕಾರ !

ರಿಯಾದ್‌: ಕಳೆದ 10 ದಿನಗಳಲ್ಲಿ ಮಾದಕದ್ರವ್ಯ (ಡ್ರಗ್ಸ್‌) ಪ್ರಕರಣದಲ್ಲಿ ದೋಷಿ ಎಂದು ಸಾಬೀತಾದ 12 ಮಂದಿಗೆ ಸೌದಿ ಅರೇಬಿಯಾ ಸರ್ಕಾರ ಮರಣದಂಡನೆ ವಿಧಿಸಿದೆ!

ಮಾನವ ಹಕ್ಕುಗಳ ಸಂಘಟನೆಯೊಂದು ಈ ವಿಚಾರವನ್ನು ಬಹಿರಂಗಪಡಿಸಿದ್ದು, ಬಹುತೇಕ ಮಂದಿಯನ್ನು ಶಿರಚ್ಛೇದ ಮಾಡಲಾಗಿದೆ ಎಂದೂ ಮಾಹಿತಿ ನೀಡಿದೆ.

ಶಿಕ್ಷೆಗೆ ಗುರಿಯಾದವರಲ್ಲಿ ಮೂವರು ಪಾಕಿಸ್ತಾನೀಯರು, ಸಿರಿಯಾದ ನಾಲ್ವರು, ಜೋರ್ಡಾನ್‌ನ ಇಬ್ಬರು ಮತ್ತು ಸೌದಿಯ ಮೂವರು ಸೇರಿದ್ದಾರೆ.

ಈ ಮೂಲಕ ಪ್ರಸಕ್ತ ವರ್ಷ ಸೌದಿಯಲ್ಲಿ ಗಲ್ಲು ಶಿಕ್ಷೆಗೆ ಗುರಿಯಾದವರ ಸಂಖ್ಯೆ 132ಕ್ಕೇರಿದಂತಾಗಿದೆ. ಈ ಸಂಖ್ಯೆ ಹಿಂದಿನ ಎರಡೂ (2020 ಮತ್ತು 2021) ವರ್ಷಗಳಲ್ಲಿ ಒಟ್ಟಾರೆ ಮರಣದಂಡನೆಗೆ ಗುರಿಯಾದವರಿಗಿಂತಲೂ ಹೆಚ್ಚು.