ಸತ್ಯಪಾಲ್‌ ಮಲಿಕ್‌ ಮೇಘಾಲಯ ರಾಜ್ಯಪಾಲ

ಹೊಸದಿಲ್ಲಿ: ಗೋವಾ ರಾಜ್ಯಪಾಲರಾಗಿರುವ ಸತ್ಯಪಾಲ್‌ ಮಲಿಕ್‌ ಅವರನ್ನು ಮೇಘಾಲಯ ರಾಜ್ಯಪಾಲರನ್ನಾಗಿ ನಿಯೋಜಿಸಲಾಗಿದೆ. ಮೇಘಾಲಯ ರಾಜ್ಯಪಾಲ ತಥ ಗಯ ರಾವ್‌ ಅವರ ಐದು ವರ್ಷ ಅವಧಿ ಪೂರ್ಣಗೊಳಿಸಿದ ಹಿನ್ನೆಲೆಯಲ್ಲಿ ಸತ್ಯಪಾಲ್‌ ಅವರನ್ನು ನೇಮಕ ಮಾಡಲಾಗಿದೆ ಎಂದು ರಾಷ್ಟ್ರಪತಿ ಭವನದ ವಕ್ತಾರರು ತಿಳಿಸಿದ್ದಾರೆ. ಮಹಾರಾಷ್ಟ್ರ ರಾಜ್ಯಪಾಲ ಭಗತ್‌ ಸಿಂಗ್‌ ಕೋಶಿಯಾರಿ ಅವರಿಗೆ ಹೆಚ್ಚುವರಿಯಾಗಿ ಗೋವಾ ರಾಜ್ಯ ಪಾಲರ ಹೊಣೆ ವಹಿಸಲಾಗಿದೆ. 2 ವರ್ಷದ ಅವಧಿ ಯಲ್ಲಿ 3ನೇ ಬಾರಿಗೆ ಸತ್ಯಪಾಲ್‌ ಅವರನ್ನು ವರ್ಗಾಯಿಸಲಾಗುತ್ತಿದೆ. ಮೊದಲು ಬಿಹಾರದಲ್ಲಿ ರಾಜ್ಯಪಾಲ ರಾಗಿದ್ದ ಮಲಿಕ್‌ ಅವರನ್ನು ಈ ಹಿಂದಿನ ಅವಿಭಜಿತ ಜಮ್ಮು ಮತ್ತು ಕಾಶ್ಮೀರ ರಾಜ್ಯದ ರಾಜ್ಯಪಾಲರನ್ನಾಗಿ ನೇಮಿಸಲಾಗಿತ್ತು. ನಂತರ ಅವರನ್ನು ಗೋವಾದ ರಾಜ್ಯಪಾಲರನ್ನಾಗಿ ನೇಮಿಸಲಾಗಿತ್ತು.