“ಸಾರ್ವಭೌಮ’ನ ಹೊಸ ಸ್ಟೈಲಿಶ್ ಲುಕ್

ಪವರ್ ಸ್ಟಾರ್ ಪುನೀತ್ ರಾಜ್‍ಕುಮಾರ್ ಬಹುನಿರೀಕ್ಷಿತ ಚಿತ್ರ “ನಟಸಾರ್ವಭೌಮ’ ಎಲ್ಲಾ ಅಂದುಕೊಂಡಂತೆ ಆಗಿದ್ದರೆ ಈ ದಸರಾ ಹಬ್ಬಕ್ಕೆ ಚಿತ್ರ ಬಿಡುಗಡೆಯಾಗಬೇಕಿತ್ತು. ಆದರೆ ಕಾರಣಾಂತರಗಳಿಂದ ಅದು ಸಾಧ್ಯವಾಗಲಿಲ್ಲ. ಈ ಕೊರತೆಯನ್ನು ನೀಗಿಸಲು ಅಭಿಮಾನಿಗಳಿಗೆ ದಸರಾ ಹಬ್ಬದ ಉಡುಗೊರೆಯಾಗಿ ಎರಡು ಕ್ಲಾಸ್ ಆ್ಯಂಡ್ ಮಾಸ್ ಪೋಸ್ಟರ್​ಗಳನ್ನು ಚಿತ್ರತಂಡ ಬಿಡುಗಡೆ ಮಾಡಿದೆ.

ಸದ್ಯ ಬಿಡುಗಡೆಯಾಗಿರುವ ಲುಕ್​ಗಳು ಚಿಂದಿ ಉಡಾಯಿಸುತ್ತಿದ್ದು, ಅಪ್ಪು ಮಾಸ್​ಗೂ ಸೈ ಕ್ಲಾಸ್​ಗೂ ಸೈ ಎನ್ನುವಂತಿವೆ. ಪವರ್​ ಸ್ಟಾರ್ ಮತ್ತಷ್ಟು ಸ್ಟೈಲಿಶ್ ಮತ್ತು ಎನರ್ಜಿಟಿಕ್ ಆಗಿ ಮಿಂಚುತ್ತಿದ್ದಾರೆ. ಇನ್ನು ಪುನೀತ್​​​ ರಾಜ್​ಕುಮಾರ್ ಮೊದಲ ಬಾರಿಗೆ ಫೋಟೋ ಜರ್ನಲಿಸ್ಟ್ ಪಾತ್ರ ಮಾಡುತ್ತಿದ್ದು, ರಾಕ್‌ಲೈನ್‌ ವೆಂಕಟೇಶ ನಿರ್ಮಾಣದ ಈ ಚಿತ್ರವನ್ನು ಪವನ್‌ ಒಡೆಯರ್‌ ನಿರ್ದೇಶಿಸುತ್ತಿದ್ದಾರೆ. 

ರಚಿತಾ ರಾಮ್‌ ಪುನೀತ್ ಎದುರಿಗೆ ನಾಯಕಿಯಾಗಿ ನಟಿಸುತ್ತಿದ್ದಾರೆ. ಇಮಾನ್‌ ಡಿ ಸಂಗೀತ ಹಾಗೂ ವೈದಿ ಛಾಯಾಗ್ರಹಣ ಚಿತ್ರಕ್ಕಿದೆ. ಅಲ್ಲದೇ ಚಿತ್ರದ ಚಿತ್ರೀಕರಣ ಬಹುತೇಕ ಮುಗಿದ್ದಿದ್ದು, ತರೆ ಮೇಲೆ ಬರಲು “ನಟಸಾರ್ವಭೌಮ’ ಸಜ್ಜಾಗಿದ್ದಾನೆ.