ಪನ್ವೇಲ್‌ ಪಾಲಿಕೆ ಚುನಾವಣೆ: ಸಂತೋಷ್‌ ಜಿ. ಶೆಟ್ಟಿಗೆ ಭರ್ಜರಿ ಗೆಲುವು

ಪನ್ವೆಲ್‌: ಪನ್ವೇಲ್‌ ಮಹಾನಗರ ಪಾಲಿಕೆಯ ಚುನಾವಣ ಫಲಿತಾಂಶ ಪ್ರಕಟ ಗೊಂಡಿದ್ದು, ಏಕೈಕ ಕನ್ನಡಿಗ ಸಂತೋಷ್‌ ಜಿ. ಶೆಟ್ಟಿ ಅವರು  4,521 ಮತಗಳ ಅಂತರದಿಂದ ಹ್ಯಾಟ್ರಿಕ್‌ ಗೆಲುವು ಸಾಧಿಸಿದ್ದಾರೆ. ವಾರ್ಡ್‌ ಕ್ರಮಾಂಕ 16ರಿಂದ ಬಿಜೆಪಿ ಯಿಂದ ಸ್ಪರ್ಧಿಸಿದ್ದ ಸಂತೋಷ್‌ ಶೆಟ್ಟಿ ಅವರು ಎದುರಾಳಿಗಳನ್ನು ಭಾರೀ ಮತಗಳಿಂದ ಸೋಲಿಸಿ ಇತಿಹಾಸ ನಿರ್ಮಿಸಿದ್ದಾರೆ.

ನಗರದ ವಿವಿಧ ಸಾಮಾಜಿಕ, ಧಾರ್ಮಿಕ  ಸಂಘಟನೆಗಳಲ್ಲಿ  ತೊಡಗಿ ಸಿಕೊಂಡಿರುವ ಅವರು ತುಳು-ಕನ್ನಡಿಗರೊಂದಿಗೆ ಅನ್ಯ ಭಾಷಿಕ‌ರೊಂದಿಗೂ ಅನ್ಯೋನ್ಯ ಸಂಬಂಧ ಹೊಂದಿದ್ದಾರೆ. ಪ್ರಸಿದ್ಧ ಸಮಾಜ ಸೇವಕರಾಗಿ ಗುರುತಿಸಿಕೊಂಡಿರುವ ಸಂತೋಷ್‌ ಶೆಟ್ಟಿ ಅವರು ಒಟ್ಟು 6,909 ಮತಗಳನ್ನು ಪಡೆದಿದ್ದಾರೆ. ಮೂಲತಃ ಬಂಟ್ವಾಳದ ಸಜಿಪದವರಾದ ಅವರು ತೃತೀಯ ಬಾರಿ ಗೆಲುವಿನ ಮೂಲಕ ಹ್ಯಾಟ್ರಿಕ್‌ ಸಾಧನೆಗೈದ ಕನ್ನಡಿಗ ಎಂಬ ಹೆಗ್ಗಳಿಕೆಗೆ ಪಾತ್ರರಾಗಿದ್ದಾರೆ.

ಸಂತೋಷ್‌ ಶೆಟ್ಟಿ ಅವರೊಂದಿಗೆ ಸಮಿರ್‌ ಬಾಲ್‌ಶೇs… ಠಾಕೂರ್‌, ರಾಜಶ್ರೀ ಮಹೇಂದ್ರ ವಾವೇಕರ್‌, ಕವಿತಾ ಕಿಶೋರ್‌ ಚಾಕ್‌ಮಲ್‌ ಅವರು ವಿಜಯಿಯಾಗಿದ್ದಾರೆ ಶಾಸಕ ಪ್ರಶಾಂತ್‌ ಠಾಕೂರ್‌ ಅವರ ನಿಕಟವರ್ತಿಯಾಗಿರುವ ಸಂತೋಷ್‌ ಶೆಟ್ಟಿ ಅವರು ತುಳು-ಕನ್ನಡಿಗರ ವಿವಿಧ ಸಂಘ-ಸಂಸ್ಥೆಗಳಲ್ಲಿ ಪದಾಧಿಕಾರಿ ಯಾಗಿಯೂ ಕಾರ್ಯ ನಿರ್ವಹಿ ಸುತ್ತಿದ್ದು, ಅಸಹಾಯಕರು, ಶಿಕ್ಷಣ ದಿಂದ ವಂಚಿತರಾದ ವಿದ್ಯಾರ್ಥಿಗಳಿಗೆ ಸದಾ ಸಹಕರಿಸಿ ಎಲ್ಲರ ಪ್ರೀತಿ-ಗೌರವಗಳಿಗೆ ಪಾತ್ರರಾಗಿ ದ್ದಾರೆ. ಅವರನ್ನು ವಿವಿಧ ಸಂಘ ಟನೆಗಳ ಪದಾಧಿಕಾರಿಗಳು ಅಭಿನಂದಿಸಿದ್ದಾರೆ. ಸಂತೋಷ್‌ ಶೆಟ್ಟಿ ಅವರು ತನ್ನ ಬೆಂಬಲಿಗರೊಂದಿಗೆ ವಿಜಯೋತ್ಸವ ಆಚರಿಸಿದರು.