ಮತ್ತೆ ಗನ್‌ ಹಿಡಿದರು ಸಾಂಗ್ಲಿಯಾನ!

“ಶಿವನಪಾದ’ ಎಂಬ ಸಿನಿಮಾದಲ್ಲಿ ನಿವೃತ್ತ ಪೊಲೀಸ್‌ ಆಫೀಸರ್‌ ಎಸ್‌.ಟಿ. ಸಾಂಗ್ಲಿಯಾನ ನಟಿಸಲಿದ್ದಾರೆಂಬ ಸುದ್ದಿಯನ್ನು ನೀವು ಈ ಹಿಂದೆ “ಬಾಲ್ಕನಿ’ಯಲ್ಲಿ ಓದಿದ್ದೀರಿ. ಈಗ ಸಾಂಗ್ಲಿಯಾನ ಅವರ ಫೋಟೋಶೂಟ್‌ ನಡೆದಿದೆ. ಅವರಿಲ್ಲಿ ಪೊಲೀಸ್‌ ಆಫೀಸರ್‌ ಆಗಿ ಕಾಣಿಸಿಕೊಳ್ಳುತ್ತಿದ್ದು, ಖಡಕ್‌ ಲುಕ್‌ನಲ್ಲಿ ಫೋಟೋಗೆ ಫೋಸ್‌ ಕೊಟ್ಟಿದ್ದಾರೆ.

ಅಂದಹಾಗೆ, ಚಿತ್ರತಂಡ ಸಾಂಗ್ಲಿಯಾನ ಅವರ ಹುಟ್ಟುಹಬ್ಬ ದಿನವೇ ಫೋಟೋಶೂಟ್‌ ಮಾಡಿದ್ದು, ಕೇಕ್‌ ಕತ್ತರಿಸುವ ಮೂಲಕ ಅವರ ಹುಟ್ಟುಹಬ್ಬವನ್ನು ಆಚರಿಸಿದೆ. ಈ ಚಿತ್ರದಲ್ಲಿ ಚಿತ್ರಕ್ಕೆ ಕೃಷ್ಣ ಮತ್ತು ಆನಂದ್‌ಕುಮಾರ್‌ ಇಬ್ಬರು ಹೀರೋಗಳು. ಚಿರಶ್ರೀ ಹಾಗೂ ಮಮತಾ ರಾವತ್‌ ಕೂಡಾ ನಟಿಸುತ್ತಿದ್ದಾರೆ. ಈ ಚಿತ್ರವನ್ನು ಮಾ.ಚಂದ್ರು ಎನ್ನುವವರು ನಿರ್ದೇಶಿಸುತ್ತಿದ್ದಾರೆ. ಇತ್ತೀಚೆಗೆ ನಡೆದ ಸಾಂಗ್ಲಿಯಾನ ಅವರ ಫೋಟೋಶೂಟ್‌ನ ಕೆಲವು ಫೋಟೋಗಳು ಇಲ್ಲಿವೆ …