ಹೈದರಾಬಾದ್: ಪ್ರಭಾಸ್ – ಪೃಥ್ವಿರಾಜ್ ಅಭಿನಯದ ʼಸಲಾರ್ʼ(ಕದನ ವಿರಾಮ) ಪಾರ್ಟ್‌ -1 ಸಿನಿಮಾದ ಎರಡನೇ ಟ್ರೇಲರ್‌ ರಿಲೀಸ್ ಆಗಿದೆ. ಜಬರ್‌ ದಸ್ತ್‌ ಮಾಸ್‌ – ಫೈಟ್‌ ನಿಂದ ಟ್ರೇಲರ್‌ ಗಮನ ಸೆಳೆಯುತ್ತದೆ.
ನಿರ್ದೇಶಕ ಪ್ರಶಾಂತ್‌ ನೀಲ್‌ ಅವರು ಕೆಲ ದಿನಗಳ ಹಿಂದಷ್ಟೇ ʼಸಲಾರ್ʼ ಸಿನಿಮಾದ ಕಥೆಯ ಎಳೆಯನ್ನು ರಿವೀಲ್‌ ಮಾಡಿದ್ದರು. ಇಬ್ಬರು ಸ್ನೇಹಿತರ ನಡುವಿನ ಸ್ಟೋರಿಯಲ್ಲಿ ʼಖಾನ್‌ ಸಾರ್‌ʼ ಎಂಬ ಊರೇ ಕಥೆ ನಡೆಯುವ ತಾಣವಾಗಿದೆ ಎನ್ನುವುದನ್ನು ರಿಲೀಸ್ ಟ್ರೇಲರ್‌ ನಲ್ಲಿ ತೋರಿಸಲಾಗಿದೆ.
ಪ್ರಭಾಸ್ ಇಲ್ಲಿ ತನ್ನ ಆಪ್ತ ಸ್ನೇಹಿತನಿಗೆ ಏನಾದರೂ ಮಾಡುವ ʼರೆಬೆಲ್‌ ಸ್ಟಾರ್‌ʼ ಆರ್ಭಟಿಸಿದ್ದಾರೆ. ʼಖಾನ್‌ ಸಾರ್‌ʼ ಎಂಟ್ರಿ ಆಗುವ ದಾರಿಯಲ್ಲಿ ನಡೆಯುವ ಮಾಸ್‌ ಸೀನ್‌ ಗಳನ್ನು ಟ್ರೇಲರ್‌ ನಲ್ಲಿ ತೋರಿಸಲಾಗಿದೆ. ʼ ವರದರಾಜ್ ಮನ್ನಾರ್ (ಪೃಥ್ವಿರಾಜ್ ) ಗಾಗಿ ʼಖಾನ್‌ ಸಾರ್‌ʼ ಸಾಮ್ರಾಜ್ಯವನ್ನು ದೇವ (ಪ್ರಭಾಸ್) ಹೋರಾಡುವ ರೀತಿಯನ್ನು ಸಖತ್‌ ಮಾಸ್‌ ದೃಶ್ಯಗಳಿಂದ ತೋರಿಸಲಾಗಿದೆ.
ಇಡೀ ಸೈನ್ಯವನ್ನು ʼಖಾನ್‌ ಸಾರ್‌ʼ ವಶಕ್ಕೆ ಬರುವ ದೇವನನ್ನು ತಡೆಯಲು ಆಜ್ಞೆ ನೀಡುವ ರಾಜಮನೆತನ ,ದೊಡ್ಡ ಬಂಗಲೆ, ಅದ್ಧೂರಿ ಸೆಟ್‌, ಗನ್‌ ಶೂಟ್‌ ಫೈಟ್‌ ಹೈಲೈಟ್‌ ಆಗಿ ತೋರಿಸಲಾಗಿದೆ.
ʼಒಂಟಿ ಸಲಗʼದಂತೆ ಪ್ರಭಾಸ್ ಅವರ ʼದೇವʼ ಪಾತ್ರವನ್ನು ತೋರಿಸಲಾಗಿದೆ. ಡೈಲಾಗ್ಸ್‌ ಗಳು ಗಮನ ಸೆಳೆಯುತ್ತದೆ.
ಕೊನೆಯಲ್ಲಿ ಸ್ನೇಹಿತರು ಮುಂದೆ ಬದ್ಧ ವೈರಿಗಳಾಗಿ ಬದಲಾಗುತ್ತಾರೆ. ಇವರಿಬ್ಬರ ನಡುವೆಯೇ ಕಥೆ ಸಾಗುತ್ತದೆ ಎನ್ನುವ ಅಂಶವನ್ನು ಟ್ರೇಲರ್‌ ನಲ್ಲಿ ಡೈಲಾಗ್‌ ಮೂಲಕ ಹೇಳಲಾಗಿದೆ. ನಾಯಕಿ ಶ್ರುತಿ ಹಾಸನ್, ಕನ್ನಡದ ಪ್ರಮೋದ್‌ ಅವರ ಪಾತ್ರದ ಝಲಕ್‌ ನ್ನು ತೋರಿಸಲಾಗಿದೆ.
ʼಸಲಾರ್ʼನಲ್ಲಿ ಪ್ರಭಾಸ್, ಪೃಥ್ವಿರಾಜ್, ಜಗಪತಿ ಬಾಬು ಮತ್ತು ಶ್ರುತಿ ಹಾಸನ್ ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದಾರೆ. ಇದೇ ಡಿ.22 ರಂದು ಸಿನಿಮಾ ತೆರೆ ಕಾಣಲಿದೆ.
