SA V/s NZ: ಹ್ಯಾಮಿಲ್ಟನ್‌ ಟೆಸ್ಟ್‌ ನ್ಯೂಜಿಲ್ಯಾಂಡ್‌ ಮೇಲುಗೈ

ಹ್ಯಾಮಿಲ್ಟನ್‌: ದ್ವಿತೀಯ ದರ್ಜೆಯ ದಕ್ಷಿಣ ಆಫ್ರಿಕಾ ತಂಡದ ವಿರುದ್ಧ ಹ್ಯಾಮಿಲ್ಟನ್‌ನಲ್ಲಿ ಮಂಗಳವಾರ ಆರಂಭಗೊಂಡ ಟೆಸ್ಟ್‌ ಪಂದ್ಯದಲ್ಲಿ ನ್ಯೂಜಿಲ್ಯಾಂಡ್‌ ಮೇಲುಗೈ ಸಾಧಿಸಿದೆ. ಟಾಸ್‌ ಗೆದ್ದು ಬ್ಯಾಟಿಂಗ್‌ ಆಯ್ದುಕೊಂಡ ಹರಿಣಗಳ ಪಡೆ 6 ವಿಕೆಟಿಗೆ 220 ರನ್‌ ಗಳಿಸಿದೆ.

ಈ 6 ವಿಕೆಟ್‌ 150 ರನ್ನಿಗೇ ಉರುಳಿತ್ತು. ಆದರೆ 7ನೇ ವಿಕೆಟಿಗೆ ಜತೆಗೂಡಿದ ರುವಾನ್‌ ಡ ಸ್ವಾರ್ಟ್‌ ಮತ್ತು ಟೆಸ್ಟ್‌ ಪದಾರ್ಪಣೆಗೈದ ಶಾನ್‌ ವನ್‌ ಬರ್ಗ್‌ ಸೇರಿಕೊಂಡು ತಂಡದ ರಕ್ಷಣೆಗೆ ನಿಂತರು. ಇವರಿಬ್ಬರು ಈಗಾಗಲೇ 70 ರನ್‌ ಜತೆಯಾಟ ನಿಭಾಯಿಸಿದ್ದಾರೆ. ಡ ಸ್ವಾರ್ಟ್‌ 55 ಮತ್ತು ವನ್‌ ಬರ್ಗ್‌ 34 ರನ್‌ ಮಾಡಿ ಬ್ಯಾಟಿಂಗ್‌ ಕಾಯ್ದುಕೊಂಡಿದ್ದಾರೆ.

ನಾಯಕ ನೀಲ್‌ ಬ್ರ್ಯಾಂಡ್‌ 25, ರೆನಾರ್ಡ್‌ ವಾನ್‌ ಟಂಡರ್‌ 32, ಜುಬೇರ್‌ ಹಮ್ಜ 20, ಡೇವಿಡ್‌ ಬೇಡಿಂಗ್‌ಹ್ಯಾಮ್‌ 39 ರನ್‌ ಮಾಡಿ ಔಟಾದರು. ಕೀಗನ್‌ ಪೀಟರ್‌ಸನ್‌ 2 ರನ್‌ ಮಾಡಿದರೆ, ಆರಂಭಕಾರ ಕ್ಲೈಡ್‌ ಫೋರ್ಟೀನ್‌ ಖಾತೆ ತೆರೆಯಲು ವಿಫ‌ಲರಾದರು. ರಚಿನ್‌ ರವೀಂದ್ರ 3 ವಿಕೆಟ್‌ ಉರುಳಿಸಿ ಪ್ರವಾಸಿಗರನ್ನು ಕಾಡಿದರು.