ಅನೂಪ್‌ ಮೊಗದಲ್ಲಿ “ರುಸ್ತುಂ’ಸ್ಟೈಲ್‌

ಸಂಗೀತ ನಿರ್ದೇಶಕ ಅನೂಪ್‌ ಸೀಳೀನ್‌ ಇಲ್ಲಿವರೆಗೆ ಹಲವು ಸಿನಿಮಾಗಳಿಗೆ ಸಂಗೀತ ನೀಡಿದ್ದಾರೆ. ಹೊಸ ಬಗೆಯ ಟ್ಯೂನ್‌ಗಳನ್ನು ಕೊಡುವ ಮೂಲಕ ಮೆಚ್ಚುಗೆ ಪಡೆದಿದ್ದಾರೆ. ಆದರೆ, ಇತ್ತೀಚೆಗೆ ಅನೂಪ್‌ ಔಟ್‌ ಅಂಡ್‌ ಔಟ್‌ ಕಮರ್ಷಿಯಲ್‌ ಸಿನಿಮಾಗಳಿಗೆ ಸಂಗೀತ ನೀಡದೇ ತುಂಬಾ ಸಮಯವೇ ಆಗಿತ್ತು.

ಈಗ ಗ್ಯಾಪ್‌ನ ಬಳಿಕ ಕಮರ್ಷಿಯಲ್‌ ಸಿನಿಮಾಕ್ಕೆ ಸಂಗೀತ ನೀಡಿದ್ದಾರೆ. ಅದು “ರುಸ್ತುಂ’. ಹೌದು, ಶಿವರಾಜಕುಮಾರ್‌ ನಾಯಕರಾಗಿರುವ “ರುಸ್ತುಂ’ ಚಿತ್ರಕ್ಕೆ ಅನೂಪ್‌ ಸಂಗೀತವಿದ್ದು, ಈಗಾಗಲೇ ಬಿಡುಗಡೆಯಾಗಿರುವ ಹಾಡಿನ ಬಗ್ಗೆ ಮೆಚ್ಚುಗೆ ವ್ಯಕ್ತವಾಗುತ್ತಿದೆ. “ರುಸ್ತುಂ’ ಚಿತ್ರದ ಪೊಲೀಸ್‌ಬೇಬಿ ಹಾಗೂ ಭಲೆ ಭಲೆ ಹಾಡುಗಳು ಬಿಡುಗಡೆಯಾಗಿ ಹಿಟ್‌ಲಿಸ್ಟ್‌ ಸೇರಿವೆ.

ಶುಕ್ರವಾರ ಅನೂಪ್‌ ಸಂಗೀತ ನೀಡಿರುವ “ರುಸ್ತುಂ’ ಚಿತ್ರದ “ದೇವರೇ ಅಗಾಧ ನಿನ್ನ ಕರುಣೆಯ ಕಡಲು’ ಎಂಭ ಹಾಡು ಬಿಡುಗಡೆಯಾಗಿದ್ದು, ಈ ಹಾಡಿಗೂ ಸಂಗೀತ ಪ್ರೇಮಿಗಳು ತಲೆದೂಗಿದ್ದಾರೆ. ಈ ಮೂಲಕ ಅನೂಪ್‌ ಸೀಳೀನ್‌ ಖುಷಿಯಾಗಿದ್ದಾರೆ.

ಕನ್ನಡದ ಜೊತೆಗೆ ತಮಿಳಿನಲ್ಲೂ ಗುರುತಿಸಿಕೊಂಡಿರುವ ಅನೂಪ್‌ ಮತ್ತಷ್ಟು ಹೊಸತನದ ಹಾಡುಗಳೊಂದಿಗೆ ಗುರುತಿಸಿಕೊಳ್ಳುವ ಉತ್ಸಾಹದಲ್ಲಿದ್ದಾರೆ. ಶಿವರಾಜಕುಮಾರ್‌ ನಾಯಕರಾಗಿರುವ “ರುಸ್ತುಂ’ ಚಿತ್ರವನ್ನು ರವಿವರ್ಮ ನಿರ್ದೇಶಿಸಿದ್ದು, ಚಿತ್ರ ಜೂನ್‌ 28ಕ್ಕೆ ತೆರೆಕಾಣುತ್ತಿದೆ.