ರಷ್ಯಾ –ಉಕ್ರೇನ್ ಸಂಘರ್ಷ: 11ನೇ ದಿನ; ನಗರಗಳ ವ್ಯಥೆ

ಕೀವ್‌
ರಷ್ಯಾ ಪಡೆಗಳಿಂದ ನಿಲ್ಲದ ಶೆಲ್‌ ದಾಳಿ. ಸ್ಥಳೀಯರಿಂದ ಪುತಿನ್‌ ಸೇನೆ ವಿರುದ್ಧ ಹೋರಾಟಕ್ಕೆ ಸಜ್ಜು, ಇರ್ಪಿನ್‌ನಲ್ಲೂ ದಾಳಿ.

ಡಿನಿಪ್ರೋ
ನಗರ ಹಲವು ಪ್ರದೇಶಗಳನ್ನು ಗುರಿ ಯಾಗಿರಿಸಿಕೊಂಡು ವೈಮಾನಿಕ ದಾಳಿ. ದಾಳಿಯಿಂದ ರಕ್ಷಣೆ ಪಡೆಯಲು ಮರಳಿನ ಚೀಲಗಳ ರಕ್ಷಣ ವ್ಯವಸ್ಥೆ ನಿರ್ಮಾಣ.

ಒಡೆಸ್ಸಾ
ಪುತಿನ್‌ ಪಡೆಗಳಿಂದ ಹೊಸತಾಗಿ ದಾಳಿ ಸಾಧ್ಯತೆ. ಕಪ್ಪು ಸಮುದ್ರದ ಮೂಲಕ ಈಗಾಗಲೇ ರಷ್ಯಾ ಪಡೆಯ ಯೋಧರ ಆಗಮನ, ಸಮರಕ್ಕೆ ಸಿದ್ಧತೆ.

ಖೆರ್ಸಾನ್‌
ಸದ್ಯ ನಗರದಲ್ಲಿ ನಿಷೇಧಾಜ್ಞೆ ಜಾರಿ. ಜನರಲ್ಲಿ ನಿಲ್ಲದ ಆತಂಕ. ಆಕ್ರಮಣದ ವಿರುದ್ಧ 2 ಸಾವಿರ ಮಂದಿಯಿಂದ ಬೃಹತ್‌ ಪ್ರತಿಭಟನ ಮೆರವಣಿಗೆ.

ಖಾರ್ಕಿವ್‌
ಫಿಸಿಕ್ಸ್‌ ಅಧ್ಯಯನ ಸಂಸ್ಥೆಯ ಮೇಲೆ ರಾಕೆಟ್‌ ದಾಳಿ. ಅಲ್ಲಿ ಹಲವಾರು ಅಣ್ವಸ್ತ್ರ ಸಂಬಂಧಿತ ಪರಿಕರಗಳು ಇರುವುದರಿಂದ ಹೆಚ್ಚಿದ ವಿಕಿರಣ ಸೋರಿಕೆ ಭೀತಿ.

ಮರಿಯು ಪೋಲ್‌ 
ಪುತಿನ್‌ ಸೇನೆಯಿಂದ ನಿಲ್ಲದ ಕ್ಷಿಪಣಿ ದಾಳಿಗೆ ಹಲವು ಮಂದಿ ಅಸುನೀಗಿರುವ ಸಾಧ್ಯತೆ. ಹೀಗಾಗಿ ಜನರ ಸ್ಥಳಾಂತರ ಪ್ರಕ್ರಿಯೆ ರದ್ದು. ಈಗಾಗಲೇ ವಿದ್ಯುತ್‌ ಪೂರೈಕೆ ವ್ಯತ್ಯಯ.