ಉಕ್ರೇನ್‌ ಮೇಲೆ ರಷ್ಯಾ ಕ್ಷಿಪಣಿ ದಾಳಿ: 41 ಮಂದಿ ಸಾವು

ಕೀವ್‌: ಉಕ್ರೇನ್‌ನ ಪೊಲ್ತಾವ ಪ್ರದೇಶದ ಮಿಲಿಟರಿ ತರಬೇತಿ ಕೇಂದ್ರ ಮತ್ತು ಆಸ್ಪತ್ರೆಯೊಂದರ ಮೇಲೆ ರಷ್ಯಾ ಮಂಗಳವಾರ ಬ್ಯಾಲಿಸ್ಟಿಕ್‌ ಕ್ಷಿಪಣಿಗಳ ಮುಖಾಂತರ ದಾಳಿ ನಡೆಸಿದ್ದು, ಕನಿಷ್ಠ 41 ಮಂದಿ ಸಾವನ್ನಪ್ಪಿ 180 ಮಂದಿ ಗಾಯಗೊಂಡಿದ್ದಾರೆ.

ರಷ್ಯಾ ಮತ್ತು ಉಕ್ರೇನ್‌ ನಡುವಣ ಯುದ್ಧ ಪ್ರಾರಂಭವಾದಾಗಿನಿಂದ ರಷ್ಯಾ ಇದುವರೆಗೂ ನಡೆಸಿದ ಭೀಕರ ದಾಳಿ ಇದು ಎಂದು ಉಕ್ರೇನ್‌ ತಿಳಿಸಿದೆ.

ದಾಳಿಯಲ್ಲಿ ಕಟ್ಟಡಗಳು ಕುಸಿದಿರುವುದರಿಂದ ಹಲವರು ಅವಶೇಷಗಳಡಿ ಸಿಲುಕಿದ್ದಾರೆ. ಅವರ ರಕ್ಷಣೆಗಾಗಿ ಕಾರ್ಯಾಚರಣೆ ನಡೆಯುತ್ತಿದೆ ಎಂದು ಉಕ್ರೇನ್‌ ಅಧ್ಯಕ್ಷ ವೊಲೊಡಿಮಿರ್‌ ಝೆಲೆನ್ಸ್ಕಿ ತಿಳಿಸಿದ್ದಾರೆ.