Advertisement
ವಿಶೇಷವಾಗಿ ನೇರ ದರ್ಶನಕ್ಕೆ ಬರುವ ಗಣ್ಯರು ಮತ್ತು ಅವರ ಹಿಂಬಾಲಕರನ್ನು ತಡೆಯಲು ಪೊಲೀಸರು ಹರ ಸಾಹಸಪಟ್ಟರು. 1000 ರೂ. ಟಿಕೆಟ್‌ ಹಾಗೂ ಗಣ್ಯರಿಗಾಗಿ ದೇವಾಲಯದ ಪ್ರಧಾನ ದ್ವಾರದಿಂದ ನಿಗದಿಪಡಿಸಿರುವ ಸಾಲಿನಲ್ಲಿಯೇ ನೂಕು ನುಗ್ಗಲು ಉಂಟಾಯಿತು. ಈ ಸಾಲುಗಳಲ್ಲಿಯೇ ಒಂದರಿಂದ 2 ಗಂಟೆಗಳ ಕಾಲ ನಿಂತು ದೇವಿಯ ದರ್ಶನ ಪಡೆಯುವ ಸ್ಥಿತಿ ನಿರ್ಮಾಣವಾಗಿತ್ತು.
Related Articles
Advertisement
ವಿಜಯ ಭಾಸ್ಕರ್‌ ಸೇರಿದಂತೆ ಗಣ್ಯರಿಂದ ದೇವಿ ದರ್ಶನ: ರಾಜ್ಯ ಸರ್ಕಾರದ ಮುಖ್ಯ ಕಾರ್ಯದರ್ಶಿ ಟಿ.ಎಂ.ವಿಜಯಭಾಸ್ಕರ್‌ ಸೇರಿದಂತೆ ಹಲವು ಗಣ್ಯರು ಶನಿವಾರ ಹಾಸನಾಂಬೆಯ ದರ್ಶನ ಪಡೆದರು. ವಿಜಯಭಾಸ್ಕರ್‌ ಅವರು ಕುಟುಂಬದವರೊಂದಿಗೆ ಆಗಮಿಸಿ ಹಾಸನಾಂಬೆಗೆ ವಿಶೇಷ ಪೂಜೆ ಸಲ್ಲಿಸಿದರು.
ಜಿಲ್ಲಾಧಿಕಾರಿ ಆರ್‌.ಗಿರೀಶ್‌ ಅವರು ಹಾಜರಿದ್ದು ವಿಜಯಭಾಸ್ಕರ್‌ ಅವರು ದೇವಿಯ ದರ್ಶನ ಪಡೆಯಲು ನೆರವಾದರು. ಈ ಸಂದರ್ಭದಲ್ಲಿ ಮಾತನಾಡಿದ ವಿಜಯಭಾಸ್ಕರ್‌ ಅವರು , ದೇವಿಯ ದರ್ಶನದಿಂದ ಧನ್ಯತಾ ಭಾವ ಮೂಡಿದೆ. ದೇವಸ್ಥಾನದಲ್ಲಿ ದೇವಿಯ ದರ್ಶನಕ್ಕೆ ಜಿಲ್ಲಾಡಳಿತ ಉತ್ತಮ ವ್ಯವಸ್ಥೆ ಕಲ್ಪಿಸಿದೆ ಎಂದು ಮೆಚ್ಚುಗೆ ವ್ಯಕ್ತಪಡಿಸಿದರು.
ಹಾಸನ ಜಿಲ್ಲಾ ಪೊಲೀಸ್‌ ಮುಖ್ಯಾಧಿಕಾರಿಯಾಗಿ ಸೇವೆ ಸಲ್ಲಿಸಿ ಬಡ್ತಿ ಪಡೆದಿರುವ ಪೊಲೀಸ್‌ ಮಹಾ ನಿರೀಕ್ಷಕ (ಐಜಿಪಿ) ಶರತ್‌ಚಂದ್ರ ಅವರೂ ಶನಿವಾರ ದೇವಿಯ ದರ್ಶನ ಪಡೆದರು. ನಂತರ ದರ್ಬಾರ್‌ ಗಣಪತಿ ಹಾಗೂ ಶ್ರೀ ಸಿದ್ದೇಶ್ವರ ದೇವಾಲಯಕ್ಕೂ ತೆರಳಿ ವಿಶೇಷ ಪೂಜೆ ಸಲ್ಲಿಸಿದರು. ಜಿಲ್ಲಾ ಪೊಲೀಸ್‌ ವರಿಷ್ಠಾಧಿಕಾರಿ ರಾಮ್‌ ನಿವಾಸ್‌ ಸೆಪಟ್‌ ಮತ್ತಿತರರು ಈ ಸಂದರ್ಭದಲ್ಲಿ ಹಾಜರಿದ್ದರು.
ಕಾಂಗ್ರೆಸ್‌ ನಾಯಕಿ ಮೋಟಮ್ಮ: ಕಾಂಗ್ರೆಸ್‌ ನಾಯಕಿ ಹಾಗೂ ಮಾಜಿ ಸಚಿವೆ ಮೋಟಮ್ಮ ಅವರು ಕುಟುಂಬ ಸಮೇತರಾಗಿ ಶನಿವಾರ ಮಧ್ಯಾಹ್ನ ಹಾಸನಾಂಬೆ ದೇವಿ ದರ್ಶನ ಮಾಡಿದರು. ಪ್ರತಿ ವರ್ಷವೂ ಹಾಸನಾಂಬೆಯ ದರ್ಶನ ಪಡೆಯುತ್ತಿದ್ದು ಈ ವರ್ಷವೂ ದೇವಿಯ ದರ್ಶನ ಪಡೆದು ಪುನೀತಳಾಗಿದ್ದೇನೆ ಎಂದರು.
ಬಿ.ಜೆ.ಪುಟ್ಟಸ್ವಾಮಿ: ರಾಜ್ಯ ಯೋಜನಾ ಮಂಡಳಿಯ ಉಪಾಧ್ಯಕ್ಷ ಬಿಜೆಪಿ ಪುಟ್ಟಸ್ವಾಮಿ ಅವರು ಶನಿವಾರ ಹಾಸನಾಂಬೆ ದೇಗುಲಕ್ಕೆ ಆಗಮಿಸಿ ದೇವಿಯ ದರ್ಶನ ಪಡೆದರು.
ಚಲನಚಿತ್ರ ನಟರು: ಚಲನ ಚಿತ್ರ ನಿರ್ಮಾಪಕ ರಾಕ್‌ಲೈನ್‌ ವೆಂಕಟೇಶ್‌, ಬಿರಿಯ ನಟ ದೊಡ್ಡಣ್ಣ ಅವರು ಹಾಸನಾಂಬೆಯ ದರ್ಶನ ಪಡೆದರು.