ಶಿವಸೇನೆಯ ಅಶೋಕ್‌ ಸಾವಂತ್‌ ಕೊಲೆಯ ಮಾಸ್ಟರ್‌ ಮೈಂಡ್‌ ಅರೆಸ್ಟ್‌

ಮುಂಬಯಿ : ಶಿವಸೇನೆಯ ಮಾಜಿ ಕಾರ್ಪೊರೇಟರ್‌, ಉದ್ಯಮಿ ಹಾಗೂ ರಾಜಕಾರಣಿಯಾಗಿದ್ದ  ಅಶೋಕ್‌ ಸಾವಂತ್‌ ಅವರ ಕೊಲೆಗೆ ಸಂಬಂಧಿಸಿ 43ರ ಹರೆಯದ ಅನಿಲ್‌ ವಾಘಮಾರೆ ಎಂಬತನನ್ನು ಬಂಧಿಸಲಾಗಿರುವುದಾಗಿ ಪೊಲೀಸರು ತಿಳಿಸಿದ್ದಾರೆ.

ಸಾವಂತ್‌ ಕೊಲೆ ಪ್ರಕರಣದ ಮಾಸ್ಟರ್‌ ಮೈಂಡ್‌ ಆಗಿದ್ದ ವಾಘಮಾರೆ ಓರ್ವ ಆರ್‌ಟಿಐ ಕಾರ್ಯಕರ್ತನಾಗಿದ್ದು ನಗರ ಹೊರವಲಯದ ಕಾಂದಿವಿಲಿಯಲ್ಲಿ  ಪೌರ ಸೇವಾ ಪರೀಕ್ಷೆಗಳ ಮಾರ್ಗದರ್ಶನ ಕೇಂದ್ರವೊಂದನ್ನು ನಡೆಸುತ್ತಿದ್ದ ಎಂದು ಪೊಲೀಸ್‌ ಡೆಪ್ಯುಟಿ ಕಮಿಷನರ್‌ (12ನೇ ವಲಯ) ವಿನಯ್‌ ರಾಠೊಡ್‌ ತಿಳಿಸಿದ್ದಾರೆ. 

ಬಂಧಿತ ವಾಘಮಾರೆ, ಸಾವಂತ್‌ ಕೊಲೆ ಪ್ರಕರಣದಲ್ಲಿ ಬಂಧಿಸಲ್ಪಟ್ಟಿರುವ ನಾಲ್ಕನೇ ಆರೋಪಿಯಾಗಿದ್ದಾನೆ; ಈ ಮೊದಲು ಬಂಧಿತರಾದವರಲ್ಲಿ ಒಬ್ಟಾತನು ಅಪ್ರಾಪ್ತ ವಯಸ್ಸಿನವನೂ ಆಗಿದ್ದಾನೆ ಎಂದು ರಾಠೊಡ್‌ ತಿಳಿಸಿದರು.