18,000 ಕೋಟಿ ರೂ. ಬಂಡವಾಳ ನಿರೀಕ್ಷೆ

ಚೆನ್ನೈ: ಪ್ರಸ್ತುತ ತಮಿಳುನಾಡಿನಲ್ಲಿ ನಡೆಯುತ್ತಿರುವ ರಕ್ಷಣಾ ಇಲಾಖೆಯ ವಸ್ತು ಪ್ರದರ್ಶನದ ಮೂಲಕ ಭಾರತೀಯ ರಕ್ಷಣಾ ಸಂಶೋಧನೆ ಹಾಗೂ ಅಭಿವೃದ್ಧಿ ಸಂಸ್ಥೆ(ಡಿಆರ್‌ಡಿಒ) ಸುಮಾರು 18,000 ಕೋಟಿ ರೂ. ಬಂಡವಾಳ ನಿರೀಕ್ಷಿಸಿದೆ ಎಂದು ಸಂಸ್ಥೆಯ ಮುಖ್ಯಸ್ಥ ಎಸ್‌. ಕ್ರಿಸ್ಟೊಫ‌ರ್‌ ತಿಳಿಸಿದ್ದಾರೆ. 

ಪ್ರಸಕ್ತ ವಿತ್ತೀಯ ವರ್ಷದಲ್ಲೇ ಈ ಮಟ್ಟದ ಹೂಡಿಕೆ ಹರಿದು ಬಂದಲ್ಲಿ, ಆ ಹಣವನ್ನು ಬ್ರ ಹ್ಮೋಸ್‌ ಕ್ಷಿಪಣಿಗಳ ಸುಧಾರಿತ ಮಾದರಿಗಳಾದ “ಬ್ರಹ್ಮೋಸ್‌ ಎನ್‌ಜಿ’ ಉತ್ಪಾದನೆಗೆ ಸಹಕಾರಿಯಾ ಗಲಿದೆ ಎಂದು ಆಶಿಸಿದ್ದಾರೆ. “”ಪ್ರಸಕ್ತ ವರ್ಷ, ಶೇ. 25ರಿಂದ 30ರಷ್ಟು ಹಣವನ್ನು ಹೊಸ ಶಸ್ತ್ರಾಸ್ತ್ರಗಳ ತಯಾರಿ, ಸಂಶೋಧನೆಗಳಿಗೆ ಮೀಸಲಿಟ್ಟಿದ್ದೇವೆ. ಜತೆಗೆ,  18,000 ಕೋಟಿ ರೂ. ಹೂಡಿಕೆಯಾದರೆ, ಬ್ರಹ್ಮೋಸ್‌ನ ಸುಧಾರಿತ ಕ್ಷಿಪಣಿ ಮಾದರಿಗೆ ಬಳಸಬಹುದಾಗಿದೆ ಎಂದಿದ್ದಾರೆ.