ಎಸ್‌ಬಿಐ ಕ್ಯಾಶ್‌ ವ್ಯಾನ್‌ನಿಂದ 1.5 ಕೋಟಿ ರೂ. ಲೂಟಿಗೈದ ಅಪರಿಚಿತರು

ಮುಂಬಯಿ : ನಾಲ್ವರು ಅಪರಿಚಿತ ವ್ಯಕ್ತಿಗಳು ಧಾರಾವಿ ಪ್ರದೇಶದಲ್ಲಿನ ಎಸ್‌ಬಿಐ ಎಟಿಎಂ ಕ್ಯಾಶ್‌ ವ್ಯಾನ್‌ನಿಂದ 1.5 ಕೋಟಿ ರೂ.ಗಳನ್ನು ಲೂಟಿ ಮಾಡಿ ಎಸ್ಕೇಪ್‌ ಆಗಿದ್ದಾರೆ ಎಂದು ಪೊಲೀಸರು ತಿಳಿಸಿದ್ದಾರೆ.

ಸಯಾನ್‌ – ಬಾಂದ್ರಾ ಲಿಂಕ್‌ ರಸ್ತೆಯಲ್ಲಿನ ಓಎನ್‌ಜಿಸಿ ಕಟ್ಟಡದ ಸಮೀಪ ಎಟಿಎಂ ಗೆ ಹಣ ತುಂಬಿಸುವ ಸಲುವಾಗಿ ನಗದು ಸಾಗಾಟದ ವ್ಯಾನ್‌ ನಿಂತುಕೊಂಡಿದ್ದಾಗ ಅಪರಿಚಿತ ಲೂಟಿಕೋರರು ವ್ಯಾನ್‌ ಬಳಿ ಬಂದು ವ್ಯಾನಿನ ಒಳಗಿದ್ದ 1.5 ಕೋಟಿ ರೂ. ನಗದು ಇದ್ದ ಕ್ಯಾಶ್‌ ಬಾಕ್ಸ್‌ ಅನ್ನು ಎತ್ತಿಕೊಂಡು ಪರಾರಿಯಾದರು ಎಂದು ಪೊಲೀಸ್‌ ಡೆಪ್ಯುಟಿ ಕಮಿಷನರ್‌ ಅಶೋಕ್‌ ದುಧೆ ತಿಳಿಸಿದ್ದಾರೆ.

ಈ ಘಟನೆ ಬಗ್ಗೆ ತನಿಖೆ ನಡೆಯುತ್ತಿದ್ದ ಅಪರಿಚಿತ ಲೂಟಿಕೋರರನ್ನು ಪತ್ತೆ ಹಚ್ಚುವ ಶೋಧ ಕಾರ್ಯಾಚರಣೆ ನಡೆಯುತ್ತಿದೆ ಎಂದು ದುಧೆ ಹೇಳಿದ್ದಾರೆ.