ಸಿಂಧುಗೆ 10 ಲಕ್ಷ ರೂ. ಘೋಷಿಸಿದ ಭಾರತ ಬ್ಯಾಡ್ಮಿಂಟನ್‌ ಸಂಸ್ಥೆ

ನವದೆಹಲಿ: ಚೀನಾದ ಗುವಾಂಗ್‌ ಜು ನಲ್ಲಿ ನಡೆದ ವಿಶ್ವ ಟೂರ್‌ ಫೈನಲ್ಸ್‌ ಪ್ರಶಸ್ತಿಯನ್ನು ಗೆದ್ದಿರುವ ಖ್ಯಾತ ಬ್ಯಾಡ್ಮಿಂಟನ್‌ ಆಟಗಾರ್ತಿ ಪಿ.ವಿ.ಸಿಂಧುಗೆ ಭಾರತೀಯ ಬ್ಯಾಡ್ಮಿಂಟನ್‌ ಸಂಸ್ಥೆ (ಬಿಎಐ) 10 ಲಕ್ಷ ರೂ. ನಗದು ಘೋಷಿಸಿದೆ. ವಿಶ್ವ ಟೂರ್‌ ಗೆದ್ದ ಭಾರತದ ಮೊದಲ ಸಾಧಕಿ ಎನ್ನುವ ಗೌರವಕ್ಕೆ ಸಿಂಧು ಪಾತ್ರರಾಗಿದ್ದಾರೆ. ಫೈನಲ್‌ನಲ್ಲಿ ಅವರು 21-19, 21-17 ಅಂಕಗಳ ಅಂತರದಿಂದ ಜಪಾನ್‌ನ ನಜೋಮಿ ಒಕುಹರಾರನ್ನು ಸೋಲಿಸಿದ್ದರು.