ರೋಟರಿ ಉಡುಪಿ ಮಿಡ್‌ಟೌನ್‌: ಪದಪ್ರಧಾನ

ಉಡುಪಿ: ರೋಟರಿ ಉಡುಪಿ ಮಿಡ್‌ಟೌನ್‌ನ ಪದಪ್ರದಾನ ಸಮಾರಂಭ ಉಡುಪಿಯ ಟೌನ್‌ಹಾಲ್‌ನಲ್ಲಿ ಮಂಗಳವಾರ ಜರಗಿತು. 

ಪದಪ್ರದಾನ ಅಧಿಕಾರಿ 2018-19 ರೋಟರಿ ಜಿÇÉೆ 3182ರ ನಿಯೊಜಿತ ಗವರ್ನರ್‌ ಎ. ಅಭಿನಂದನ ಶೆಟ್ಟಿ ಅವರು ನೂತನ ಅಧ್ಯಕ್ಷ ಪ್ರಶಾಂತ್‌ ಕುಮಾರ್‌ ಮತ್ತು ನಿರ್ದೇಶಕ ಮಂಡಳಿಗೆ ಪದಪ್ರದಾನಿಸಿ, ರೋಟರಿಯ ಈ ವರ್ಷದ ಧ್ಯೇಯ ವಾಕ್ಯ “ರೋಟರಿ: ಮೇಕಿಂಗ್‌ ದ ಡಿಫ‌ರೆನ್ಸ್‌’ ಎನ್ನುವಂತೆ ಎಲ್ಲ ಕಾರ್ಯಕ್ರಮಗಳಲ್ಲಿ ಪರಿವರ್ತನೆಯನ್ನು ಮಾಡಿಕೊಳ್ಳುವಂತೆ ತಿಳಿಸಿದರು.

ಇದೇ ಸಂದರ್ಭ ರೊಟರಿ ಉಡುಪಿ ಮಿಡ್‌ಟೌನ್‌ ಪ್ರಾಯೋಜಿತ ಇಂಟರ್ಯಾಕ್ಟ್ ಶಾಲೆಯ 15 ಪ್ರತಿಭಾವಂತ ವಿದ್ಯಾರ್ಥಿಗಳಿಗೆ ಮುಂದಿನ ವಿದ್ಯಾಭ್ಯಾಸಕ್ಕೆ ಪ್ರೋತ್ಸಾಹಧನ ನೀಡಲಾಯಿತು. ಕ್ಲಬ್ಬಿಗೆ 5 ಮಂದಿ ಹೊಸ ಸದಸ್ಯರನ್ನು ಸೇರ್ಪಡೆಗೊಳಿಸಲಾಯಿತು. 

ಸಹಾಯಕ ಗವನರರ್‌ ಸಿ. ಚಂದ್ರ ನಾಯರಿ, ಮಾಜಿ ಸಹಾಯಕ ಗವನರರ್‌ ಮೋಹನ್‌ದಾಸ್‌ ಪೈ, ವಲಯ ಸೇನಾನಿ ಆಲ್ವಿನ್‌ ಕ್ವಾಡ್ರಸ್‌, ಮಾಜಿ ವಲಯ ಸೇನಾನಿ ರಾಮ್‌ ಪೂಜಾರಿ, ಕಾರ್ಯದರ್ಶಿ ಸಂತೋಷ ಫೆರ್ನಾಂಡಿಸ್‌, ಮಾಜಿ ಅಧ್ಯಕ್ಷ ರಾಮದೇವ ಕಾರಂತ್‌, ಮಾಜಿ ಕಾರ್ಯದರ್ಶಿ ಸುಂದರ ಶೆಟ್ಟಿ ಮೊದಲಾದ ಗಣ್ಯರು ಉಪಸ್ಥಿತರಿದ್ದರು.