ಅಂತಿಮ ಟಿ20: ಆಟಕ್ಕೂ ಮೊದಲು ದಾಖಲೆ ಬರೆದ ಕಿವೀಸ್ ನ ರಾಸ್ ಟೇಲರ್

ಮೌಂಟ್ ಮೌಂಗನಿ: ಭಾರತ ಮತ್ತು ನ್ಯೂಜಿಲ್ಯಾಂಡ್ ನಡುವಿನ ಅಂತಿಮ ಟಿ20 ಪಂದ್ಯಕ್ಕೆ ಮೌಂಟ್ ಮೌಂಗನಿ ಅಂಗಳದಲ್ಲಿ ನಡೆಯುತ್ತಿದೆ. ಕಿವೀಸ್ ಹಿರಿಯ ಆಟಗಾರ ರಾಸ್ ಟೇಲರ್ ಈ ಪಂದ್ಯದಲ್ಲಿ ಹೊಸತೊಂದು ದಾಖಲೆ ಬರೆದಿದ್ದಾರೆ.

ಸದ್ಯ ನ್ಯೂಜಿಲ್ಯಾಂಡ್ ಪರ ಅತ್ಯಂತ ಅನುಭವಿ ಆಟಗಾರನಾಗಿರುವ ರಾಸ್ ಟೇಲರ್ ಇಂದು ತಮ್ಮ ನೂರನೇ ಟಿ20 ಪಂದ್ಯವಾಡುತ್ತಿದ್ದಾರೆ. ಈ ಸಾಧನೆ ಮಾಡಿದ ಮೊದಲ ಕಿವೀಸ್ ಆಟಗಾರ ಎಂಬ ಹಿರಿಮೆಗೆ ರಾಸ್ ಟೇಲರ್ ಪಾತ್ರರಾಗಿದ್ದಾರೆ.

ವಿಶ್ವ ಕ್ರಿಕೆಟ್ ನಲ್ಲಿ ಅತೀ ಹೆಚ್ಚು ಟಿ20 ಪಂದ್ಯವಾಡಿದವರ ಪೈಕಿ ರಾಸ್ ಟೇಲರ್ ಗೆ ಮೂರನೇ ಸ್ಥಾನ. ಮೊದಲ ಸ್ಥಾನದಲ್ಲಿರುವುದು ಪಾಕಿಸ್ಥಾನದ ಶೋಯೆಬ್ ಮಲಿಕ್. ಅವರು 113 ಟಿ20 ಅಂತಾರಾಷ್ಟ್ರೀಯ ಪಂದ್ಯವಾಡಿದ್ದಾರೆ.

ಉಳಿದಂತೆ ಟೀಂ ಇಂಡಿಯಾದ ರೋಹಿತ್ ಶರ್ಮಾ ಎರಡನೇ ಸ್ಥಾನದಲ್ಲಿದ್ಧಾರೆ. ರೋಹಿತ್ 107 ಅಂತಾರಾಷ್ಟ್ರೀಯ ಟಿ20 ಪಂದ್ಯಗಳಲ್ಲಿ ಕಾಣಿಸಿಕೊಂಡಿದ್ದಾರೆ. ಪಾಕಿಸ್ಥಾನದ ಶಾಹಿದ್ ಅಫ್ರಿದಿ 99 ರನ್ ಮತ್ತು ಭಾರತದ ಮಹೇಂದ್ರ ಸಿಂಗ್ ಧೋನಿ 98 ಪಂದ್ಯವಾಡಿದ್ದಾರೆ.