ಕಬಕ: ಮನೆಯ ಮಾಡು ಕುಸಿತ

ಕಬಕ: ಕಬಕ ಜಂಕ್ಷನ್‌ ನಲ್ಲಿರುವ ಸುಂದರ ಆಚಾರಿ ಅವರ ಹಂಚಿನ ಮನೆಯ ಮಾಡು ಗುರುವಾರ ಸಂಜೆ ಸುರಿದ ಭಾರೀ ಮಳೆಗೆ ಕುಸಿದು ಬಿದ್ದಿದೆ. ಸುಂದರ ಮತ್ತು ಅವರ ಪತ್ನಿ ಈ ಮನೆಯಲ್ಲಿ ವಾಸವಿದ್ದರು. ಮನೆ ಮಾಡು ಕುಸಿಯುವಾಗ ಅವರು ಹೊರಗೆ ಹೋಗಿದ್ದರಿಂದ ಅಪಾಯದಿಂದ ಪಾರಾಗಿದ್ದಾರೆ.

ಮನೆಯ ಎಡಭಾಗದ ಮಾಡು ಸಂಪೂರ್ಣ ಕುಸಿದು ಅಪಾರ ನಷ್ಟ ಸಂಭವಿಸಿದೆ. ತತ್‌ ಕ್ಷಣ ಮನೆ ಸಾಮಾನುಗಳನ್ನು ಹತ್ತಿರದ ಬಾಡಿಗೆ ಮನೆಗೆ ಸ್ಥಳಾಂತರಿಸಲು ಸ್ಥಳೀಯರು ಸಹಕರಿಸಿದರು. ಸ್ಥಳಕ್ಕೆ ಪುತ್ತೂರು ತಹಶೀಲ್ದಾರ್‌ ಅನಂತ ಶಂಕರ್‌, ರ‌ಮಾನಂದ ಗ್ರಾ.ಪಂ. ಸದಸ್ಯ ಶಾಬ, ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದಾರೆ.